فرقت میں وصلت برپا ہے اللہ ہو کے باڑے میں 

آشوب وحدت برپا ہے اللہ ہو کے باڑے میں 

روح کل سے سب روحوں پر وصل کی حسرت طاری ہے 

اک سر حکمت برپا ہے اللہ ہو کے باڑے میں 

بے احوالی کی حالت ہے شاید یا شاید کہ نہیں 

پر احوالیت برپا ہے اللہ ہو کے باڑے میں 

مختاری کے لب سلوانا جبر عجب تر ٹھہرا ہے 

ہیجان غیرت برپا ہے اللہ ہو کے باڑے میں 

بابا الف ارشاد کناں ہیں پیش عدم کے بارے میں 

حیرت بے حیرت برپا ہے اللہ ہو کے باڑے میں 

معنی ہیں لفظوں سے برہم قہر خموشی عالم ہے 

ایک عجب حجت برپا ہے اللہ ہو کے باڑے میں 

موجودی سے انکاری ہے اپنی ضد میں ناز وجود 

حالت سی حالت برپا ہے اللہ ہو کے باڑے میں 

फ़ुर्क़त में वसलत बरपा है अल्लाह-हू के बाड़े में 

आशोब-ए-वहदत बरपा है अल्लाह-हू के बाड़े में 

रूह-ए-कुल से सब रूहों पर वस्ल की हसरत तारी है 

इक सर-ए-हिकमत बरपा है अल्लाह-हू के बाड़े में 

बे-अहवाली की हालत है शायद या शायद कि नहीं 

पर अहवालिय्यत बरपा है अल्लाह-हू के बाड़े में 

मुख़्तारी के लब सिलवाना जब्र अजब-तर ठहरा है 

हैजान-ए-ग़ैरत बरपा है अल्लाह-हू के बाड़े में 

बाबा अलिफ़ इरशाद-कुनाँ हैं पेश-ए-अदम के बारे में 

हैरत बे-हैरत बरपा है अल्लाह-हू के बाड़े में 

मा'नी हैं लफ़्ज़ों से बरहम क़हर-ए-ख़मोशी आलम है 

एक अजब हुज्जत बरपा है अल्लाह-हू के बाड़े में 

मौजूदी से इंकारी है अपनी ज़िद में नाज़-ए-वजूद 

हालत सी हालत बरपा है अल्लाह-हू के बाड़े में