ab ke tajdid-e-wafa ka nahin imkan jaanan

ab ke tajdid-e-wafa ka nahin imkan jaanan 

yaad kya tujh ko dilaen tera paiman jaanan 


yunhi mausam ki ada dekh ke yaad aaya hai 

kis qadar jald badal jate hain insan jaanan 


zindagi teri ata thi so tere nam ki hai 

hum ne jaise bhi basar ki tera ehsan jaanan 


dil ye kahta hai ki shayad hai fasurda tu bhi 

dil ki kya baat karen dil to hai nadan jaanan 


awwal awwal ki mohabbat ke nashe yaad to kar 

be-piye bhi tera chehra tha gulistan jaanan 


aaKHir aaKHir to ye aalam hai ki ab hosh nahin 

rag-e-mina sulag uTThi ki rag-e-jaan jaanan 


muddaton se yahi aalam na tawaqqo na umid 

dil pukare hi chala jata hai jaanan jaanan 


hum bhi kya sada the hum ne bhi samajh rakkha tha 

gham-e-dauran se juda hai gham-e-jaanan jaanan 


ab ke kuchh aisi saji mahfil-e-yaran jaanan 

sar-ba-zanu hai koi sar-ba-gareban jaanan 


har koi apni hi aawaz se kanp uThta hai 

har koi apne hi sae se hirasan jaanan 


jis ko dekho wahi zanjir-ba-pa lagta hai 

shahr ka shahr hua daKHil-e-zindan jaanan 


ab tera zikr bhi shayad hi ghazal mein aae 

aur se aur hue dard ke unwan jaanan 


hum ki ruThi hui rut ko bhi mana lete the 

hum ne dekha hi na tha mausam-e-hijran jaanan 


hosh aaya to sabhi KHwab the reza reza 

jaise uDte hue auraq-e-pareshan jaanan 

اب کے تجدید وفا کا نہیں امکاں جاناں 


یاد کیا تجھ کو دلائیں ترا پیماں جاناں 


یوں ہی موسم کی ادا دیکھ کے یاد آیا ہے 

کس قدر جلد بدل جاتے ہیں انساں جاناں 


زندگی تیری عطا تھی سو ترے نام کی ہے 

ہم نے جیسے بھی بسر کی ترا احساں جاناں 


دل یہ کہتا ہے کہ شاید ہے فسردہ تو بھی 

دل کی کیا بات کریں دل تو ہے ناداں جاناں 


اول اول کی محبت کے نشے یاد تو کر 

بے پیے بھی ترا چہرہ تھا گلستاں جاناں 


آخر آخر تو یہ عالم ہے کہ اب ہوش نہیں 

رگ مینا سلگ اٹھی کہ رگ جاں جاناں 


مدتوں سے یہی عالم نہ توقع نہ امید 

دل پکارے ہی چلا جاتا ہے جاناں جاناں 


ہم بھی کیا سادہ تھے ہم نے بھی سمجھ رکھا تھا 

غم دوراں سے جدا ہے غم جاناں جاناں 


اب کے کچھ ایسی سجی محفل یاراں جاناں 

سر بہ زانو ہے کوئی سر بہ گریباں جاناں 


ہر کوئی اپنی ہی آواز سے کانپ اٹھتا ہے 

ہر کوئی اپنے ہی سائے سے ہراساں جاناں 


جس کو دیکھو وہی زنجیر بہ پا لگتا ہے 

شہر کا شہر ہوا داخل زنداں جاناں 


اب ترا ذکر بھی شاید ہی غزل میں آئے 

اور سے اور ہوئے درد کے عنواں جاناں 


ہم کہ روٹھی ہوئی رت کو بھی منا لیتے تھے 

ہم نے دیکھا ہی نہ تھا موسم ہجراں جاناں 


ہوش آیا تو سبھی خواب تھے ریزہ ریزہ 

جیسے اڑتے ہوئے اوراق پریشاں جاناں 

अब के तजदीद-ए-वफ़ा का नहीं इम्काँ जानाँ 

याद क्या तुझ को दिलाएँ तिरा पैमाँ जानाँ 


यूँही मौसम की अदा देख के याद आया है 

किस क़दर जल्द बदल जाते हैं इंसाँ जानाँ 


ज़िंदगी तेरी अता थी सो तिरे नाम की है 

हम ने जैसे भी बसर की तिरा एहसाँ जानाँ 


दिल ये कहता है कि शायद है फ़सुर्दा तू भी 

दिल की क्या बात करें दिल तो है नादाँ जानाँ 


अव्वल अव्वल की मोहब्बत के नशे याद तो कर 

बे-पिए भी तिरा चेहरा था गुलिस्ताँ जानाँ 


आख़िर आख़िर तो ये आलम है कि अब होश नहीं 

रग-ए-मीना सुलग उट्ठी कि रग-ए-जाँ जानाँ 


मुद्दतों से यही आलम न तवक़्क़ो न उमीद 

दिल पुकारे ही चला जाता है जानाँ जानाँ 


हम भी क्या सादा थे हम ने भी समझ रक्खा था 

ग़म-ए-दौराँ से जुदा है ग़म-ए-जानाँ जानाँ 


अब के कुछ ऐसी सजी महफ़िल-ए-याराँ जानाँ 

सर-ब-ज़ानू है कोई सर-ब-गरेबाँ जानाँ 


हर कोई अपनी ही आवाज़ से काँप उठता है 

हर कोई अपने ही साए से हिरासाँ जानाँ 


जिस को देखो वही ज़ंजीर-ब-पा लगता है 

शहर का शहर हुआ दाख़िल-ए-ज़िंदाँ जानाँ 


अब तिरा ज़िक्र भी शायद ही ग़ज़ल में आए 

और से और हुए दर्द के उनवाँ जानाँ 


हम कि रूठी हुई रुत को भी मना लेते थे 

हम ने देखा ही न था मौसम-ए-हिज्राँ जानाँ 


होश आया तो सभी ख़्वाब थे रेज़ा रेज़ा 

जैसे उड़ते हुए औराक़-ए-परेशाँ जानाँ 


SOURCE :

Book :

Edition :

Publication :

Advertizement


Coments