ab wo ghar ek virana tha bas virana zinda tha

ab wo ghar ek virana tha bas virana zinda tha 

sab aankhen dam toD chuki thin aur main tanha zinda tha 


sari gali sunsan paDi thi baad-e-fana ke pahre mein 

hijr ke dalan aur aangan mein bas ek saya zinda tha 


wo jo kabutar us mukhe mein rahte the kis des uDe 

ek ka nam nawazinda tha aur ek ka bazinda tha 


wo dopahr apni ruKHsat ki aisa-waisa dhoka thi 

apne andar apni lash uThae main jhuTa zinda tha 


thin wo ghar raaten bhi kahani wade aur phir din ginna 

aana tha jaane wale ko jaane wala zinda tha 


dastak dene wale bhi the dastak sunne wale bhi 

tha aabaad mohalla sara har darwaza zinda tha 


pile patton ko sah-pahr ki wahshat pursa deti thi 

aangan mein ek aundhe ghaDe par bas ek kawwa zinda tha 

اب وہ گھر اک ویرانہ تھا بس ویرانہ زندہ تھا 

سب آنکھیں دم توڑ چکی تھیں اور میں تنہا زندہ تھا 


ساری گلی سنسان پڑی تھی باد فنا کے پہرے میں 

ہجر کے دالان اور آنگن میں بس اک سایہ زندہ تھا 


وہ جو کبوتر اس موکھے میں رہتے تھے کس دیس اڑے 

ایک کا نام نوازندہ تھا اور اک کا بازندہ تھا 


وہ دوپہر اپنی رخصت کی ایسا ویسا دھوکا تھی 

اپنے اندر اپنی لاش اٹھائے میں جھوٹا زندہ تھا 


تھیں وہ گھر راتیں بھی کہانی وعدے اور پھر دن گننا 

آنا تھا جانے والے کو جانے والا زندہ تھا 


دستک دینے والے بھی تھے دستک سننے والے بھی 

تھا آباد محلہ سارا ہر دروازہ زندہ تھا 


پیلے پتوں کو سہ پہر کی وحشت پرسا دیتی تھی 

آنگن میں اک اوندھے گھڑے پر بس اک کوا زندہ تھا 

अब वो घर इक वीराना था बस वीराना ज़िंदा था 

सब आँखें दम तोड़ चुकी थीं और मैं तन्हा ज़िंदा था 


सारी गली सुनसान पड़ी थी बाद-ए-फ़ना के पहरे में 

हिज्र के दालान और आँगन में बस इक साया ज़िंदा था 


वो जो कबूतर उस मूखे में रहते थे किस देस उड़े 

एक का नाम नवाज़िंदा था और इक का बाज़िंदा था 


वो दोपहर अपनी रुख़्सत की ऐसा-वैसा धोका थी 

अपने अंदर अपनी लाश उठाए मैं झूटा ज़िंदा था 


थीं वो घर रातें भी कहानी वा'दे और फिर दिन गिनना 

आना था जाने वाले को जाने वाला ज़िंदा था 


दस्तक देने वाले भी थे दस्तक सुनने वाले भी 

था आबाद मोहल्ला सारा हर दरवाज़ा ज़िंदा था 


पीले पत्तों को सह-पहर की वहशत पुर्सा देती थी 

आँगन में इक औंधे घड़े पर बस इक कव्वा ज़िंदा था 


SOURCE :

Book : Shaayed (Pg. 178)

Edition :

Publication :

Advertizement


Coments