اے وصل کچھ یہاں نہ ہوا کچھ نہیں ہوا 

اس جسم کی میں جاں نہ ہوا کچھ نہیں ہوا 

تو آج میرے گھر میں جو مہماں ہے عید ہے 

تو گھر کا میزباں نہ ہوا کچھ نہیں ہوا 

کھولی تو ہے زبان مگر اس کی کیا بساط 

میں زہر کی دکاں نہ ہوا کچھ نہیں ہوا 

کیا ایک کاروبار تھا وہ ربط جسم و جاں 

کوئی بھی رائیگاں نہ ہوا کچھ نہیں ہوا 

کتنا جلا ہوا ہوں بس اب کیا بتاؤں میں 

عالم دھواں دھواں نہ ہوا کچھ نہیں ہوا 

دیکھا تھا جب کہ پہلے پہل اس نے آئینہ 

اس وقت میں وہاں نہ ہوا کچھ نہیں ہوا 

وہ اک جمال جلوہ فشاں ہے زمیں زمیں 

میں تا بہ آسماں نہ ہوا کچھ نہیں ہوا 

میں نے بس اک نگاہ میں طے کر لیا تجھے 

تو رنگ بیکراں نہ ہوا کچھ نہیں ہوا 

گم ہو کے جان تو مری آغوش ذات میں 

بے نام و بے نشاں نہ ہوا کچھ نہیں ہوا 

ہر کوئی درمیان ہے اے ماجرا فروش 

میں اپنے درمیاں نہ ہوا کچھ نہیں ہوا 

ऐ वस्ल कुछ यहाँ न हुआ कुछ नहीं हुआ 

उस जिस्म की मैं जाँ न हुआ कुछ नहीं हुआ 

तू आज मेरे घर में जो मेहमाँ है ईद है 

तू घर का मेज़बाँ न हुआ कुछ नहीं हुआ 

खोली तो है ज़बान मगर इस की क्या बिसात 

मैं ज़हर की दुकाँ न हुआ कुछ नहीं हुआ 

क्या एक कारोबार था वो रब्त-ए-जिस्म-ओ-जाँ 

कोई भी राएगाँ न हुआ कुछ नहीं हुआ 

कितना जला हुआ हूँ बस अब क्या बताऊँ मैं 

आलम धुआँ धुआँ न हुआ कुछ नहीं हुआ 

देखा था जब कि पहले-पहल उस ने आईना 

उस वक़्त मैं वहाँ न हुआ कुछ नहीं हुआ 

वो इक जमाल जलवा-फ़िशाँ है ज़मीं ज़मीं 

मैं ता-ब-आसमाँ न हुआ कुछ नहीं हुआ 

मैं ने बस इक निगाह में तय कर लिया तुझे 

तू रंग-ए-बेकराँ न हुआ कुछ नहीं हुआ 

गुम हो के जान तू मिरी आग़ोश-ए-ज़ात में 

बे-नाम-ओ-बे-निशाँ न हुआ कुछ नहीं हुआ 

हर कोई दरमियान है ऐ माजरा-फ़रोश 

मैं अपने दरमियाँ न हुआ कुछ नहीं हुआ