baat koi umid ki mujhse nahin kahi gai

baat koi umid ki mujh se nahin kahi gai 

so mere KHwab bhi gae so meri nind bhi gai 


dil ka tha ek muddaa jis ne tabah kar diya 

dil mein thi ek hi to baat wo jo faqat sahi gai 


jaaniye kya talash thi 'jaun' mere wajud mein 

jis ko main DhunDhta gaya jo mujhe DhunDhti gai 


ek KHushi ka haal hai KHush-suKHanan ke darmiyan 

izzat-e-shaeqin-e-gham thi jo rahi-sahi gai 


bud-o-nabud ki tamiz ek azab thi ki thi 

yani tamam zindagi dhund mein Dubti gai 


us ke jamal ka tha din mera wajud aur phir 

subh se dhup bhi gai raat se chandni gai 


jab main tha shahr zat ka tha mera har-nafas azab 

phir main wahan ka tha jahan haalat-e-zat bhi gai 


gard-fashan hun dasht mein sina-zanan hun shahr mein 

thi jo saba-e-samt-e-dil jaane kahan chali gai 


tum ne bahut sharab pi us ka sabhi ko dukh hai 'jaun' 

aur jo dukh hai wo ye hai tum ko sharab pi gai 

بات کوئی امید کی مجھ سے نہیں کہی گئی 

سو مرے خواب بھی گئے سو میری نیند بھی گئی 


دل کا تھا ایک مدعا جس نے تباہ کر دیا 

دل میں تھی ایک ہی تو بات وہ جو فقط سہی گئی 


جانئے کیا تلاش تھی جونؔ مرے وجود میں 

جس کو میں ڈھونڈھتا گیا جو مجھے ڈھونڈھتی گئی 


ایک خوشی کا حال ہے خوش سخناں کے درمیاں 

عزت شائقین غم تھی جو رہی سہی گئی 


بود و نبود کی تمیز ایک عذاب تھی کہ تھی 

یعنی تمام زندگی دھند میں ڈوبتی گئی 


اس کے جمال کا تھا دن میرا وجود اور پھر 

صبح سے دھوپ بھی گئی رات سے چاندنی گئی 


جب میں تھا شہر ذات کا تھا مرا ہر نفس عذاب 

پھر میں وہاں کا تھا جہاں حالت ذات بھی گئی 


گرد فشاں ہوں دشت میں سینہ زناں ہوں شہر میں 

تھی جو صبائے سمت دل جانے کہاں چلی گئی 


تم نے بہت شراب پی اس کا سبھی کو دکھ ہے جونؔ 

اور جو دکھ ہے وہ یہ ہے تم کو شراب پی گئی 

बात कोई उमीद की मुझ से नहीं कही गई 

सो मिरे ख़्वाब भी गए सो मेरी नींद भी गई 


दिल का था एक मुद्दआ' जिस ने तबाह कर दिया 

दिल में थी एक ही तो बात वो जो फ़क़त सही गई 


जानिए क्या तलाश थी 'जौन' मिरे वजूद में 

जिस को मैं ढूँढता गया जो मुझे ढूँढती गई 


एक ख़ुशी का हाल है ख़ुश-सुख़नाँ के दरमियाँ 

इज़्ज़त-ए-शाएक़ीन-ए-ग़म थी जो रही-सही गई 


बूद-ओ-नबूद की तमीज़ एक अज़ाब थी कि थी 

या'नी तमाम ज़िंदगी धुँद में डूबती गई 


उस के जमाल का था दिन मेरा वजूद और फिर 

सुब्ह से धूप भी गई रात से चाँदनी गई 


जब मैं था शहर ज़ात का था मिरा हर-नफ़स अज़ाब 

फिर मैं वहाँ का था जहाँ हालत-ए-ज़ात भी गई 


गर्द-फ़शाँ हूँ दश्त में सीना-ज़नाँ हूँ शहर में 

थी जो सबा-ए-सम्त-ए-दिल जाने कहाँ चली गई 


तुम ने बहुत शराब पी उस का सभी को दुख है 'जौन' 

और जो दुख है वो ये है तुम को शराब पी गई 


SOURCE :

Book :

Edition :

Publication :

Advertizement


Coments