کب اس کا وصال چاہیے تھا 

بس ایک خیال چاہیے تھا 

کب دل کو جواب سے غرض تھی 

ہونٹوں کو سوال چاہیے تھا 

شوق ایک نفس تھا اور وفا کو 

پاس مہ و سال چاہیے تھا 

اک چہرۂ سادہ تھا جو ہم کو 

بے مثل و مثال چاہیے تھا 

اک کرب میں ذات و زندگی ہیں 

ممکن کو محال چاہیے تھا 

میں کیا ہوں بس اک ملال ماضی 

اس شخص کو حال چاہیے تھا 

ہم تم جو بچھڑ گئے ہیں ہم کو 

کچھ دن تو ملال چاہیے تھا 

وہ جسم جمال تھا سراپا 

اور مجھ کو جمال چاہیے تھا 

وہ شوخ رمیدہ مجھ کو اپنی 

بانہوں میں نڈھال چاہیے تھا 

تھا وہ جو کمال شوق وصلت 

خواہش کو زوال چاہیے تھا 

جو لمحہ بہ لمحہ مل رہا ہے 

وہ سال بہ سال چاہیے تھا 

कब उस का विसाल चाहिए था 

बस एक ख़याल चाहिए था 

कब दिल को जवाब से ग़रज़ थी 

होंटों को सवाल चाहिए था 

शौक़ एक नफ़स था और वफ़ा को 

पास-ए-मह-ओ-साल चाहिए था 

इक चेहरा-ए-सादा था जो हम को 

बे-मिस्ल-ओ-मिसाल चाहिए था 

इक कर्ब में ज़ात-ओ-ज़िंदगी हैं 

मुमकिन को मुहाल चाहिए था 

मैं क्या हूँ बस इक मलाल-ए-माज़ी 

इस शख़्स को हाल चाहिए था 

हम तुम जो बिछड़ गए हैं हम को 

कुछ दिन तो मलाल चाहिए था 

वो जिस्म जमाल था सरापा 

और मुझ को जमाल चाहिए था 

वो शोख़ रमीदा मुझ को अपनी 

बाँहों में निढाल चाहिए था 

था वो जो कमाल-ए-शौक़-ए-वसलत 

ख़्वाहिश को ज़वाल चाहिए था 

जो लम्हा-ब-लम्हा मिल रहा है 

वो साल-ब-साल चाहिए था