چلے تھے یار بڑے زعم میں ہوا کی طرح 

پلٹ کے دیکھا تو بیٹھے ہیں نقش پا کی طرح 

مجھے وفا کی طلب ہے مگر ہر اک سے نہیں 

کوئی ملے مگر اس یار بے وفا کی طرح 

مرے وجود کا صحرا ہے منتظر کب سے 

کبھی تو آ جرس غنچہ کی صدا کی طرح 

وہ اجنبی تھا تو کیوں مجھ سے پھیر کر آنکھیں 

گزر گیا کسی دیرینہ آشنا کی طرح 

کشاں کشاں لیے جاتی ہے جانب منزل 

نفس کی ڈور بھی زنجیر بے صدا کی طرح 

فرازؔ کس کے ستم کا گلا کریں کس سے 

کہ بے نیاز ہوئی خلق بھی خدا کی طرح 

चले थे यार बड़े ज़ोम में हवा की तरह 

पलट के देखा तो बैठे हैं नक़्श-ए-पा की तरह 

मुझे वफ़ा की तलब है मगर हर इक से नहीं 

कोई मिले मगर उस यार-ए-बेवफ़ा की तरह 

मिरे वजूद का सहरा है मुंतज़िर कब से 

कभी तो आ जरस-ए-ग़ुंचा की सदा की तरह 

वो अजनबी था तो क्यूँ मुझ से फेर कर आँखें 

गुज़र गया किसी देरीना आश्ना की तरह 

कशाँ कशाँ लिए जाती है जानिब-ए-मंज़िल 

नफ़स की डोर भी ज़ंजीर-ए-बे-सदा की तरह 

'फ़राज़' किस के सितम का गिला करें किस से 

कि बे-नियाज़ हुई ख़ल्क़ भी ख़ुदा की तरह