دل بدن کا شریک حال کہاں 

ہجر پھر ہجر ہے وصال کہاں 

عشق ہے نام انتہاؤں کا 

اس سمندر میں اعتدال کہاں 

ایسا نشہ تو زہر میں بھی نہ تھا 

اے غم دل تری مثال کہاں 

ہم کو بھی اپنی پائمالی کا 

ہے مگر اس قدر ملال کہاں 

میں نئی دوستی کے موڑ پہ تھا 

آ گیا ہے ترا خیال کہاں 

دل کہ خوش فہم تھا سو ہے ورنہ 

تیرے ملنے کا احتمال کہاں 

وصل و ہجراں ہیں اور دنیائیں 

ان زمانوں میں ماہ و سال کہاں 

تجھ کو دیکھا تو لوگ حیراں ہیں 

آ گیا شہر میں غزال کہاں 

تجھ پہ لکھی تو سج گئی ہے غزل 

آ ملا خواب سے خیال کہاں 

اب تو شہہ مات ہو رہی ہے فرازؔ 

اب بچاؤ کی کوئی چال کہاں 

दिल बदन का शरीक-ए-हाल कहाँ 

हिज्र फिर हिज्र है विसाल कहाँ 

इश्क़ है नाम इंतिहाओं का 

इस समुंदर में ए'तिदाल कहाँ 

ऐसा नश्शा तो ज़हर में भी न था 

ऐ ग़म-ए-दिल तिरी मिसाल कहाँ 

हम को भी अपनी पाएमाली का 

है मगर इस क़दर मलाल कहाँ 

मैं नई दोस्ती के मोड़ पे था 

आ गया है तिरा ख़याल कहाँ 

दिल कि ख़ुश-फ़हम था सो है वर्ना 

तेरे मिलने का एहतिमाल कहाँ 

वस्ल ओ हिज्राँ हैं और दुनियाएँ 

इन ज़मानों में माह-ओ-साल कहाँ 

तुझ को देखा तो लोग हैराँ हैं 

आ गया शहर में ग़ज़ाल कहाँ 

तुझ पे लिक्खी तो सज गई है ग़ज़ल 

आ मिला ख़्वाब से ख़याल कहाँ 

अब तो शह मात हो रही है 'फ़राज़' 

अब बचाव की कोई चाल कहाँ