شاخ امید جل گئی ہوگی 

دل کی حالت سنبھل گئی ہوگی 

جونؔ اس آن تک بخیر ہوں میں 

زندگی داؤ چل گئی ہوگی 

اک جہنم ہے میرا سینہ بھی 

آرزو کب کی گل گئی ہوگی 

سوزش پرتو نگاہ نہ پوچھ 

مردمک تو پگھل گئی ہوگی 

ہم نے دیکھے تھے خواب شعلوں کے 

نیند آنکھوں میں جل گئی ہوگی 

اس نے مایوس کر دیا ہوگا 

پھانس دل سے نکل گئی ہوگی 

اب تو دل ہی بدل گیا اب تو 

ساری دنیا بدل گئی ہوگی 

دل گلی میں رقیب دل کا جلوس 

واں تو تلوار چل گئی ہوگی 

گھر سے جس روز میں چلا ہوں گا 

دل کی دلی مچل گئی ہوگی 

دھوپ یعنی کہ زرد زرد اک دھوپ 

لال قلعے سے ڈھل گئی ہوگی 

ہجر حدت میں یاد کی خوشبو 

ایک پنکھا سا جھل گئی ہوگی 

آئی تھی موج سبز باد شمال 

یاد کی شاخ پھل گئی ہوگی 

وہ دم صبح غسل خانے میں 

میرے پہلو سے شل گئی ہوگی 

شام صبح فراق دائم ہے 

اب طبیعت بہل گئی ہوگی 

शाख़-ए-उम्मीद जल गई होगी 

दिल की हालत सँभल गई होगी 

'जौन' उस आन तक ब-ख़ैर हूँ मैं 

ज़िंदगी दाव चल गई होगी 

इक जहन्नुम है मेरा सीना भी 

आरज़ू कब की गल गई होगी 

सोज़िश-ए-परतव-ए-निगाह न पूछ 

मर्दुमक तो पिघल गई होगी 

हम ने देखे थे ख़्वाब शो'लों के 

नींद आँखों में जल गई होगी 

उस ने मायूस कर दिया होगा 

फाँस दिल से निकल गई होगी 

अब तो दिल ही बदल गया अब तो 

सारी दुनिया बदल गई होगी 

दिल गली में रक़ीब दिल का जुलूस 

वाँ तो तलवार चल गई होगी 

घर से जिस रोज़ मैं चला हूँगा 

दिल की दिल्ली मचल गई होगी 

धूप या'नी कि ज़र्द ज़र्द इक धूप 

लाल क़िलए' से ढल गई होगी 

हिज्र-ए-हिद्दत में याद की ख़ुश्बू 

एक पंखा सा झल गई होगी 

आई थी मौज-ए-सब्ज़-ए-बाद-ए-शिमाल 

याद की शाख़ फल गई होगी 

वो दम-ए-सुब्ह ग़ुस्ल-ख़ाने में 

मेरे पहलू से शल गई होगी 

शाम-ए-सुब्ह-ए-फ़िराक़ दाइम है 

अब तबीअ'त बहल गई होगी