دل منافق تھا شب ہجر میں سویا کیسا 

اور جب تجھ سے ملا ٹوٹ کے رویا کیسا 

زندگی میں بھی غزل ہی کا قرینہ رکھا 

خواب در خواب ترے غم کو پرویا کیسا 

اب تو چہروں پہ بھی کتبوں کا گماں ہوتا ہے 

آنکھیں پتھرائی ہوئی ہیں لب گویا کیسا 

دیکھ اب قرب کا موسم بھی نہ سرسبز لگے 

ہجر ہی ہجر مراسم میں سمویا کیسا 

ایک آنسو تھا کہ دریائے ندامت تھا فرازؔ 

دل سے بے باک شناور کو ڈبویا کیسا 

दिल मुनाफ़िक़ था शब-ए-हिज्र में सोया कैसा 

और जब तुझ से मिला टूट के रोया कैसा 

ज़िंदगी में भी ग़ज़ल ही का क़रीना रक्खा 

ख़्वाब-दर-ख़्वाब तिरे ग़म को पिरोया कैसा 

अब तो चेहरों पे भी कत्बों का गुमाँ होता है 

आँखें पथराई हुई हैं लब-ए-गोया कैसा 

देख अब क़ुर्ब का मौसम भी न सरसब्ज़ लगे 

हिज्र ही हिज्र मरासिम में समोया कैसा 

एक आँसू था कि दरिया-ए-नदामत था 'फ़राज़' 

दिल से बेबाक शनावर को डुबोया कैसा