dost ban kar bhi nahin sath nibhane wala

dost ban kar bhi nahin sath nibhane wala 

wahi andaz hai zalim ka zamane wala 


ab use log samajhte hain giraftar mera 

saKHt nadim hai mujhe dam mein lane wala 


subh-dam chhoD gaya nikhat-e-gul ki surat 

raat ko ghuncha-e-dil mein simaT aane wala 


kya kahen kitne marasim the hamare us se 

wo jo ek shaKHs hai munh pher ke jaane wala 


tere hote hue aa jati thi sari duniya 

aaj tanha hun to koi nahin aane wala 


muntazir kis ka hun TuTi hui dahliz pe main 

kaun aaega yahan kaun hai aane wala 


kya KHabar thi jo meri jaan mein ghula hai itna 

hai wahi mujh ko sar-e-dar bhi lane wala 


main ne dekha hai bahaaron mein chaman ko jalte 

hai koi KHwab ki tabir batane wala 


tum takalluf ko bhi iKHlas samajhte ho 'faraaz' 

dost hota nahin har hath milane wala 

دوست بن کر بھی نہیں ساتھ نبھانے والا 

وہی انداز ہے ظالم کا زمانے والا 


اب اسے لوگ سمجھتے ہیں گرفتار مرا 

سخت نادم ہے مجھے دام میں لانے والا 


صبح دم چھوڑ گیا نکہت گل کی صورت 

رات کو غنچۂ دل میں سمٹ آنے والا 


کیا کہیں کتنے مراسم تھے ہمارے اس سے 

وہ جو اک شخص ہے منہ پھیر کے جانے والا 


تیرے ہوتے ہوئے آ جاتی تھی ساری دنیا 

آج تنہا ہوں تو کوئی نہیں آنے والا 


منتظر کس کا ہوں ٹوٹی ہوئی دہلیز پہ میں 

کون آئے گا یہاں کون ہے آنے والا 


کیا خبر تھی جو مری جاں میں گھلا ہے اتنا 

ہے وہی مجھ کو سر دار بھی لانے والا 


میں نے دیکھا ہے بہاروں میں چمن کو جلتے 

ہے کوئی خواب کی تعبیر بتانے والا 


تم تکلف کو بھی اخلاص سمجھتے ہو فرازؔ 

دوست ہوتا نہیں ہر ہاتھ ملانے والا 

दोस्त बन कर भी नहीं साथ निभाने वाला 

वही अंदाज़ है ज़ालिम का ज़माने वाला 


अब उसे लोग समझते हैं गिरफ़्तार मिरा 

सख़्त नादिम है मुझे दाम में लाने वाला 


सुब्ह-दम छोड़ गया निकहत-ए-गुल की सूरत 

रात को ग़ुंचा-ए-दिल में सिमट आने वाला 


क्या कहें कितने मरासिम थे हमारे उस से 

वो जो इक शख़्स है मुँह फेर के जाने वाला 


तेरे होते हुए आ जाती थी सारी दुनिया 

आज तन्हा हूँ तो कोई नहीं आने वाला 


मुंतज़िर किस का हूँ टूटी हुई दहलीज़ पे मैं 

कौन आएगा यहाँ कौन है आने वाला 


क्या ख़बर थी जो मिरी जाँ में घुला है इतना 

है वही मुझ को सर-ए-दार भी लाने वाला 


मैं ने देखा है बहारों में चमन को जलते 

है कोई ख़्वाब की ताबीर बताने वाला 


तुम तकल्लुफ़ को भी इख़्लास समझते हो 'फ़राज़' 

दोस्त होता नहीं हर हाथ मिलाने वाला 


SOURCE :

Book :

Edition :

Publication :

Advertizement


Coments