دور افق کے پار سے آواز کے پروردگار 

صدیوں سوئی خامشی کو سامنے آ کر پکار 

جانے کن ہاتھوں نے کھیلا رات ساحل پر شکار 

شیر کی آواز کو ترسا کئے سونے کچھار 

خواب کے سوکھے ہوئے خاکوں میں لذت کا غبار 

نیند کے دیمک زدہ گتے کے پیچھے انتظار 

تیرگی کیسے مٹے گی تیری نصرت کے بغیر 

آسماں کی سیڑھیوں سے نقرئی فوجیں اتار 

آخر شب سب ستارے سو رہے ہیں بے خبر 

کوئی سورج کو خبر کر دو کہ اب شب خون مار 

پھیلتا جاتا ہے کرنوں کا سنہری جال پھر 

جگمگا اٹھی ہیں شمشیریں قطار اندر قطار 

جانے کس کو ڈھونڈنے داخل ہوا ہے جسم میں 

ہڈیوں میں راستہ کرتا ہوا پیلا بخار 

جسم کی مٹی نہ لے جائے بہا کر ساتھ میں 

دل کی گہرائی میں گرتا خواہشوں کا آبشار 

दूर उफ़ुक़ के पार से आवाज़ के पर्वरदिगार 

सदियों सोई ख़ामुशी को सामने आ कर पुकार 

जाने किन हाथों ने खेला रात साहिल पर शिकार 

शेर की आवाज़ को तरसा किए सूने कछार 

ख़्वाब के सूखे हुए ख़ाकों में लज़्ज़त का ग़ुबार 

नींद के दीमक-ज़दा गत्ते के पीछे इंतिज़ार 

तीरगी कैसे मिटेगी तेरी नुसरत के बग़ैर 

आसमाँ की सीढ़ियों से नुक़रई फ़ौजें उतार 

आख़िर-ए-शब सब सितारे सो रहे हैं बे-ख़बर 

कोई सूरज को ख़बर कर दो कि अब शब-ख़ून मार 

फैलता जाता है किरनों का सुनहरी जाल फिर 

जगमगा उट्ठी हैं शमशीरें क़तार-अंदर-क़तार 

जाने किस को ढूँडने दाख़िल हुआ है जिस्म में 

हड्डियों में रास्ता करता हुआ पीला बुख़ार 

जिस्म की मिट्टी न ले जाए बहा कर साथ में 

दिल की गहराई में गिरता ख़्वाहिशों का आबशार