ہم پر تمہاری چاہ کا الزام ہی تو ہے 

دشنام تو نہیں ہے یہ اکرام ہی تو ہے 

کرتے ہیں جس پہ طعن کوئی جرم تو نہیں 

شوق فضول و الفت ناکام ہی تو ہے 

دل مدعی کے حرف ملامت سے شاد ہے 

اے جان جاں یہ حرف ترا نام ہی تو ہے 

دل ناامید تو نہیں ناکام ہی تو ہے 

لمبی ہے غم کی شام مگر شام ہی تو ہے 

دست فلک میں گردش تقدیر تو نہیں 

دست فلک میں گردش ایام ہی تو ہے 

آخر تو ایک روز کرے گی نظر وفا 

وہ یار خوش خصال سر بام ہی تو ہے 

بھیگی ہے رات فیضؔ غزل ابتدا کرو 

وقت سرود درد کا ہنگام ہی تو ہے 

हम पर तुम्हारी चाह का इल्ज़ाम ही तो है 

दुश्नाम तो नहीं है ये इकराम ही तो है 

करते हैं जिस पे ता'न कोई जुर्म तो नहीं 

शौक़-ए-फ़ुज़ूल ओ उल्फ़त-ए-नाकाम ही तो है 

दिल मुद्दई के हर्फ़-ए-मलामत से शाद है 

ऐ जान-ए-जाँ ये हर्फ़ तिरा नाम ही तो है 

दिल ना-उमीद तो नहीं नाकाम ही तो है 

लम्बी है ग़म की शाम मगर शाम ही तो है 

दस्त-ए-फ़लक में गर्दिश-ए-तक़दीर तो नहीं 

दस्त-ए-फ़लक में गर्दिश-ए-अय्याम ही तो है 

आख़िर तो एक रोज़ करेगी नज़र वफ़ा 

वो यार-ए-ख़ुश-ख़िसाल सर-ए-बाम ही तो है 

भीगी है रात 'फ़ैज़' ग़ज़ल इब्तिदा करो 

वक़्त-ए-सरोद दर्द का हंगाम ही तो है