ek qatra ashk ka chhalka to dariya kar diya

ek qatra ashk ka chhalka to dariya kar diya 

ek musht-e-KHak jo bikhri to sahra kar diya 


mere TuTe hausle ke par nikalte dekh kar 

us ne diwaron ko apni aur uncha kar diya 


wardat-e-qalb likkhi hum ne farzi nam se 

aur hathon-hath us ko KHud hi le ja kar diya 


us ki naraazi ka suraj jab sawa neze pe tha 

apne harf-e-ijz hi ne sar pe saya kar diya 


duniya bhar ki KHak koi chhanta phirta hai ab 

aap ne dar se uTha kar kaisa ruswa kar diya 


ab na koi KHauf dil mein aur na aankhon mein umid 

tu ne marg-e-na-gahan bimar achchha kar diya 


bhul ja ye kal tere naqsh-e-qadam the chand par 

dekh un hathon ko kis ne aaj kasa kar diya 


hum to kahne ja rahe the hamza-e-ye wassalam 

bich mein us ne achanak nun-ghunna kar diya 


hum ko gali ke liye bhi lab hila sakte nahin 

ghair ko bosa diya to munh se dikhla kar diya 


tirgi ki bhi koi had hoti hai aaKHir miyan 

surKH parcham ko jala kar hi ujala kar diya 


bazm mein ahl-e-suKHan taqtia farmate rahe 

aur hum ne apne dil ka bojh halka kar diya 


jaane kis ke muntazir baiThe hain jhaDu pher kar 

dil se har KHwahish ko 'adil' hum ne chalta kar diya 

ایک قطرہ اشک کا چھلکا تو دریا کر دیا 

ایک مشت خاک جو بکھری تو صحرا کر دیا 


میرے ٹوٹے حوصلے کے پر نکلتے دیکھ کر 

اس نے دیواروں کو اپنی اور اونچا کر دیا 


واردات قلب لکھی ہم نے فرضی نام سے 

اور ہاتھوں ہاتھ اس کو خود ہی لے جا کر دیا 


اس کی ناراضی کا سورج جب سوا نیزے پہ تھا 

اپنے حرف عجز ہی نے سر پہ سایہ کر دیا 


دنیا بھر کی خاک کوئی چھانتا پھرتا ہے اب 

آپ نے در سے اٹھا کر کیسا رسوا کر دیا 


اب نہ کوئی خوف دل میں اور نہ آنکھوں میں امید 

تو نے مرگ ناگہاں بیمار اچھا کر دیا 


بھول جا یہ کل ترے نقش قدم تھے چاند پر 

دیکھ ان ہاتھوں کو کس نے آج کاسہ کر دیا 


ہم تو کہنے جا رہے تھے ہمزۂ یے والسلام 

بیچ میں اس نے اچانک نون غنہ کر دیا 


ہم کو گالی کے لیے بھی لب ہلا سکتے نہیں 

غیر کو بوسہ دیا تو منہ سے دکھلا کر دیا 


تیرگی کی بھی کوئی حد ہوتی ہے آخر میاں 

سرخ پرچم کو جلا کر ہی اجالا کر دیا 


بزم میں اہل سخن تقطیع فرماتے رہے 

اور ہم نے اپنے دل کا بوجھ ہلکا کر دیا 


جانے کس کے منتظر بیٹھے ہیں جھاڑو پھیر کر 

دل سے ہر خواہش کو عادلؔ ہم نے چلتا کر دیا 

एक क़तरा अश्क का छलका तो दरिया कर दिया 

एक मुश्त-ए-ख़ाक जो बिखरी तो सहरा कर दिया 


मेरे टूटे हौसले के पर निकलते देख कर 

उस ने दीवारों को अपनी और ऊँचा कर दिया 


वारदात-ए-क़ल्ब लिक्खी हम ने फ़र्ज़ी नाम से 

और हाथों-हाथ उस को ख़ुद ही ले जा कर दिया 


उस की नाराज़ी का सूरज जब सवा नेज़े पे था 

अपने हर्फ़-ए-इज्ज़ ही ने सर पे साया कर दिया 


दुनिया भर की ख़ाक कोई छानता फिरता है अब 

आप ने दर से उठा कर कैसा रुस्वा कर दिया 


अब न कोई ख़ौफ़ दिल में और न आँखों में उमीद 

तू ने मर्ग-ए-ना-गहाँ बीमार अच्छा कर दिया 


भूल जा ये कल तिरे नक़्श-ए-क़दम थे चाँद पर 

देख उन हाथों को किस ने आज कासा कर दिया 


हम तो कहने जा रहे थे हम्ज़ा-ए-ये वस्सलाम 

बीच में उस ने अचानक नून-ग़ुन्ना कर दिया 


हम को गाली के लिए भी लब हिला सकते नहीं 

ग़ैर को बोसा दिया तो मुँह से दिखला कर दिया 


तीरगी की भी कोई हद होती है आख़िर मियाँ 

सुर्ख़ परचम को जला कर ही उजाला कर दिया 


बज़्म में अहल-ए-सुख़न तक़्तीअ' फ़रमाते रहे 

और हम ने अपने दिल का बोझ हल्का कर दिया 


जाने किस के मुंतज़िर बैठे हैं झाड़ू फेर कर 

दिल से हर ख़्वाहिश को 'आदिल' हम ने चलता कर दिया 


SOURCE :

Book :

Edition :

Publication :

Advertizement


Coments