ganwai kis ki tamanna mein zindagi maine

ganwai kis ki tamanna mein zindagi main ne 

wo kaun hai jise dekha nahin kabhi main ne 


tera KHayal to hai par tera wajud nahin 

tere liye to ye mahfil sajai thi main ne 


tere adam ko gawara na tha wajud mera 

so apni beKH-kuni ki kami na ki main ne 


hain meri zat se mansub sad fasana-e-ishq 

aur ek satr bhi ab tak nahin likhi main ne 


KHud apne ishwa-o-andaz ka shahid hun main 

KHud apni zat se barti hai be-ruKHi main ne 


mere harif meri yakka-taziyon pe nisar 

tamam umr halifon se jang ki main ne 


KHarash-e-naghma se sina chhila hua hai mera 

fughan ki tark na ki naghma-parwari main ne 


dawa se faeda maqsud tha hi kab ki faqat 

dawa ke shauq mein sehat tabah ki main ne 


zabana-zan tha jigar-soz tishnagi ka azab 

so jauf-e-sina mein dozaKH unDel li main ne 


surur-e-mai pe bhi ghaalib raha shuur mera 

ki har riayat-e-gham zehn mein rakhi main ne 


gham-e-shuur koi dam to mujh ko mohlat de 

tamam-umr jalaya hai apna ji main ne 


ilaj ye hai ki majbur kar diya jaun 

wagarna yun to kisi ki nahin suni main ne 


raha main shahid-e-tanha nashin-e-masnad-e-gham 

aur apne karb-e-ana se gharaz rakhi main ne 

گنوائی کس کی تمنا میں زندگی میں نے 

وہ کون ہے جسے دیکھا نہیں کبھی میں نے 


ترا خیال تو ہے پر ترا وجود نہیں 

ترے لیے تو یہ محفل سجائی تھی میں نے 


ترے عدم کو گوارا نہ تھا وجود مرا 

سو اپنی بیخ کنی کی کمی نہ کی میں نے 


ہیں میری ذات سے منسوب صد فسانۂ عشق 

اور ایک سطر بھی اب تک نہیں لکھی میں نے 


خود اپنے عشوہ و انداز کا شہید ہوں میں 

خود اپنی ذات سے برتی ہے بے رخی میں نے 


مرے حریف مری یکہ تازیوں پہ نثار 

تمام عمر حلیفوں سے جنگ کی میں نے 


خراش نغمہ سے سینہ چھلا ہوا ہے مرا 

فغاں کہ ترک نہ کی نغمہ پروری میں نے 


دوا سے فائدہ مقصود تھا ہی کب کہ فقط 

دوا کے شوق میں صحت تباہ کی میں نے 


زبانہ زن تھا جگر سوز تشنگی کا عذاب 

سو جوف سینہ میں دوزخ انڈیل لی میں نے 


سرور مے پہ بھی غالب رہا شعور مرا 

کہ ہر رعایت غم ذہن میں رکھی میں نے 


غم شعور کوئی دم تو مجھ کو مہلت دے 

تمام عمر جلایا ہے اپنا جی میں نے 


علاج یہ ہے کہ مجبور کر دیا جاؤں 

وگرنہ یوں تو کسی کی نہیں سنی میں نے 


رہا میں شاہد تنہا نشین مسند غم 

اور اپنے کرب انا سے غرض رکھی میں نے 

गँवाई किस की तमन्ना में ज़िंदगी मैं ने 

वो कौन है जिसे देखा नहीं कभी मैं ने 


तिरा ख़याल तो है पर तिरा वजूद नहीं 

तिरे लिए तो ये महफ़िल सजाई थी मैं ने 


तिरे अदम को गवारा न था वजूद मिरा 

सो अपनी बेख़-कुनी की कमी न की मैं ने 


हैं मेरी ज़ात से मंसूब सद फ़साना-ए-इश्क़ 

और एक सत्र भी अब तक नहीं लिखी मैं ने 


ख़ुद अपने इश्वा-ओ-अंदाज़ का शहीद हूँ मैं 

ख़ुद अपनी ज़ात से बरती है बे-रुख़ी मैं ने 


मिरे हरीफ़ मिरी यक्का-ताज़ियों पे निसार 

तमाम उम्र हलीफ़ों से जंग की मैं ने 


ख़राश-ए-नग़्मा से सीना छिला हुआ है मिरा 

फ़ुग़ाँ कि तर्क न की नग़्मा-परवरी मैं ने 


दवा से फ़ाएदा मक़्सूद था ही कब कि फ़क़त 

दवा के शौक़ में सेहत तबाह की मैं ने 


ज़बाना-ज़न था जिगर-सोज़ तिश्नगी का अज़ाब 

सो जौफ़-ए-सीना में दोज़ख़ उंडेल ली मैं ने 


सुरूर-ए-मय पे भी ग़ालिब रहा शुऊ'र मिरा 

कि हर रिआयत-ए-ग़म ज़ेहन में रखी मैं ने 


ग़म-ए-शुऊर कोई दम तो मुझ को मोहलत दे 

तमाम-उम्र जलाया है अपना जी मैं ने 


इलाज ये है कि मजबूर कर दिया जाऊँ 

वगर्ना यूँ तो किसी की नहीं सुनी मैं ने 


रहा मैं शाहिद-ए-तन्हा नशीन-ए-मसनद-ए-ग़म 

और अपने कर्ब-ए-अना से ग़रज़ रखी मैं ने 


SOURCE :

Book :

Edition :

Publication :

Advertizement


Coments