غرور جاں کو مرے یار بیچ دیتے ہیں 

قبا کی حرص میں دستار بیچ دیتے ہیں 

یہ لوگ کیا ہیں کہ دو چار خواہشوں کے لیے 

تمام عمر کا پندار بیچ دیتے ہیں 

جنون زینت آرائش مکاں کے لیے 

کئی مکیں در و دیوار بیچ دیتے ہیں 

ذرا بھی نرخ ہو بالا تو تاجران حرم 

گلیم و جبہ و دستار بیچ دیتے ہیں 

بس اتنا فرق ہے یوسف میں اور مجھ میں فرازؔ 

کہ اس کو غیر مجھے یار بیچ دیتے ہیں 

ग़ुरूर-ए-जाँ को मिरे यार बेच देते हैं 

क़बा की हिर्स में दस्तार बेच देते हैं 

ये लोग क्या हैं कि दो-चार ख़्वाहिशों के लिए 

तमाम उम्र का पिंदार बेच देते हैं 

जुनून-ए-ज़ीनत-ए-आराइश-ए-मकाँ के लिए 

कई मकीं दर-ओ-दीवार बेच देते हैं 

ज़रा भी निर्ख़ हो बाला तो ताजिरान-ए-हरम 

गलीम ओ जुब्बा ओ दस्तार बेच देते हैं 

बस इतना फ़र्क़ है यूसुफ़ में और मुझ में 'फ़राज़' 

कि उस को ग़ैर मुझे यार बेच देते हैं