gila fuzul tha ahd-e-wafa ke hote hue

gila fuzul tha ahd-e-wafa ke hote hue 
so chup raha sitam-e-na-rawa ke hote hue 

ye qurbaton mein ajab fasle paDe ki mujhe 
hai aashna ki talab aashna ke hote hue 

wo hila-gar hain jo majburiyan shumar karen 
charagh hum ne jalae hawa ke hote hue 

na chahne pe bhi tujh ko KHuda se mang liya 
ye haal hai dil-e-be-muddaa ke hote hue 

na kar kisi pe bharosa ki kashtiyan Duben 
KHuda ke hote hue naKHuda ke hote hue 

magar ye ahl-e-riya kis qadar barahna hain 
galim o dalq o aba o qaba ke hote hue 

kise KHabar hai ki kasa-ba-dast phirte hain 
bahut se log saron par huma ke hote hue 

'faraaz' aise bhi lamhe kabhi kabhi aae 
ki dil-girafta rahe dilruba ke hote hue 

گلہ فضول تھا عہد وفا کے ہوتے ہوئے 

سو چپ رہا ستم ناروا کے ہوتے ہوئے 


یہ قربتوں میں عجب فاصلے پڑے کہ مجھے 

ہے آشنا کی طلب آشنا کے ہوتے ہوئے 


وہ حیلہ گر ہیں جو مجبوریاں شمار کریں 

چراغ ہم نے جلائے ہوا کے ہوتے ہوئے 


نہ چاہنے پہ بھی تجھ کو خدا سے مانگ لیا 

یہ حال ہے دل بے مدعا کے ہوتے ہوئے 


نہ کر کسی پہ بھروسہ کہ کشتیاں ڈوبیں 

خدا کے ہوتے ہوئے ناخدا کے ہوتے ہوئے 


مگر یہ اہل ریا کس قدر برہنہ ہیں 

گلیم و دلق و عبا و قبا کے ہوتے ہوئے 


کسے خبر ہے کہ کاسہ بدست پھرتے ہیں 

بہت سے لوگ سروں پر ہما کے ہوتے ہوئے 


فرازؔ ایسے بھی لمحے کبھی کبھی آئے 

کہ دل گرفتہ رہے دل ربا کے ہوتے ہوئے 

गिला फ़ुज़ूल था अहद-ए-वफ़ा के होते हुए 

सो चुप रहा सितम-ए-ना-रवा के होते हुए 


ये क़ुर्बतों में अजब फ़ासले पड़े कि मुझे 

है आश्ना की तलब आश्ना के होते हुए 


वो हीला-गर हैं जो मजबूरियाँ शुमार करें 

चराग़ हम ने जलाए हवा के होते हुए 


न चाहने पे भी तुझ को ख़ुदा से माँग लिया 

ये हाल है दिल-ए-बे-मुद्दआ के होते हुए 


न कर किसी पे भरोसा कि कश्तियाँ डूबें 

ख़ुदा के होते हुए नाख़ुदा के होते हुए 


मगर ये अहल-ए-रिया किस क़दर बरहना हैं 

गलीम ओ दल्क़ ओ अबा ओ क़बा के होते हुए 


किसे ख़बर है कि कासा-ब-दस्त फिरते हैं 

बहुत से लोग सरों पर हुमा के होते हुए 


'फ़राज़' ऐसे भी लम्हे कभी कभी आए 

कि दिल-गिरफ़्ता रहे दिलरुबा के होते हुए 


SOURCE :

Book :

Edition :

Publication :

Advertizement


Coments