گیتوں کا شہر ہے کہ نگر سوز و ساز کا

قلب شکستہ اور یہ عالم گداز کا

چاروں طرف سجی ہیں دکانیں خلوص کی

چمکا ہے کاروبار ہر اک حیلہ ساز کا

وہ چاہے خواب ہو کہ حقیقت مگر کبھی

احساں اٹھائے گا نہ لباس مجاز کا

جس طرح چاہا جائے ہے چاہا نہیں ابھی

اندیشہ جان کھائے ہے افشائے راز کا

بہروپیا ہے کوئی پھرے ہے نگر نگر

قاتل کا روپ دھارے کبھی چارہ ساز کا

یوں ہنستے ہنستے دار فنا سے چلا ہے وہ

جیسے سفر نصیب ہو ارض حجاز کا

عابدؔ غموں کی دھوپ میں جلنا ہے چار دن

بس قصہ مختصر ہے یہ عمر دراز کا

गीतों का शहर है कि नगर सोज़-ओ-साज़ का

क़ल्ब-ए-शिकस्ता और ये आलम गुदाज़ का

चारों तरफ़ सजी हैं दुकानें ख़ुलूस की

चमका है कारोबार हर इक हीला-साज़ का

वो चाहे ख़्वाब हो कि हक़ीक़त मगर कभी

एहसाँ उठाएगा न लिबास-ए-मजाज़ का

जिस तरह चाहा जाए है चाहा नहीं अभी

अंदेशा जान खाए है इफ़शा-ए-राज़ का

बहरूपिया है कोई फिरे है नगर नगर

क़ातिल का रूप धारे कभी चारासाज़ का

यूँ हँसते हँसते दार-ए-फ़ना से चला है वो

जैसे सफ़र नसीब हो अर्ज़-ए-हिजाज़ का

'आबिद' ग़मों की धूप में जलना है चार दिन

बस क़िस्सा मुख़्तसर है ये उम्र-ए-दराज़ का