hai ajab haal ye zamane ka

hai ajab haal ye zamane ka 

yaad bhi taur hai bhulane ka 


pasand aaya bahut hamein pesha 

KHud hi apne gharon ko Dhane ka 


kash hum ko bhi ho nasib kabhi 

aish-e-daftar mein gungunane ka 


aasman hai KHamoshi-e-jawed 

main bhi ab lab nahin hilane ka 


jaan kya ab tera piyala-e-naf 

nashsha mujh ko nahin pilane ka 


shauq hai is dil-e-darinda ko 

aap ke honT kaT khane ka 


itna nadim hua hun KHud se ki main 

ab nahin KHud ko aazmane ka 


kya kahun jaan ko bachane main 

'jaun' KHatra hai jaan jaane ka 


ye jahan 'jaun' ek jahannum hai 

yan KHuda bhi nahin hai aane ka 


zindagi ek fan hai lamhon ko 

apne andaz se ganwane ka 

ہے عجب حال یہ زمانے کا 

یاد بھی طور ہے بھلانے کا 


پسند آیا بہت ہمیں پیشہ 

خود ہی اپنے گھروں کو ڈھانے کا 


کاش ہم کو بھی ہو نصیب کبھی 

عیش دفتر میں گنگنانے کا 


آسماں ہے خموشئ جاوید 

میں بھی اب لب نہیں ہلانے کا 


جان کیا اب ترا پیالۂ ناف 

نشہ مجھ کو نہیں پلانے کا 


شوق ہے اس دل درندہ کو 

آپ کے ہونٹ کاٹ کھانے کا 


اتنا نادم ہوا ہوں خود سے کہ میں 

اب نہیں خود کو آزمانے کا 


کیا کہوں جان کو بچانے میں 

جونؔ خطرہ ہے جان جانے کا 


یہ جہاں جونؔ اک جہنم ہے 

یاں خدا بھی نہیں ہے آنے کا 


زندگی ایک فن ہے لمحوں کو 

اپنے انداز سے گنوانے کا 

है अजब हाल ये ज़माने का 

याद भी तौर है भुलाने का 


पसंद आया बहुत हमें पेशा 

ख़ुद ही अपने घरों को ढाने का 


काश हम को भी हो नसीब कभी 

ऐश-ए-दफ़्तर में गुनगुनाने का 


आसमाँ है ख़मोशी-ए-जावेद 

मैं भी अब लब नहीं हिलाने का 


जान क्या अब तिरा पियाला-ए-नाफ़ 

नश्शा मुझ को नहीं पिलाने का 


शौक़ है इस दिल-ए-दरिंदा को 

आप के होंट काट खाने का 


इतना नादिम हुआ हूँ ख़ुद से कि मैं 

अब नहीं ख़ुद को आज़माने का 


क्या कहूँ जान को बचाने मैं 

'जौन' ख़तरा है जान जाने का 


ये जहाँ 'जौन' इक जहन्नुम है 

याँ ख़ुदा भी नहीं है आने का 


ज़िंदगी एक फ़न है लम्हों को 

अपने अंदाज़ से गँवाने का 


SOURCE :

Book : Gumaan (Poetry) (Pg. 165)

Edition : 2012

Publication : Takhleeqar Publishers (2012)

Advertizement


Coments