hai fasilen uTha raha mujh mein

hai fasilen uTha raha mujh mein 

jaane ye kaun aa raha mujh mein 


'jaun' mujh ko jila-watan kar ke 

wo mere bin bhala raha mujh mein 


mujh se us ko rahi talash-e-umid 

so bahut din chhupa raha mujh mein 


tha qayamat sukut ka aashob 

hashr sa ek bapa raha mujh mein 


pas-e-parda koi na tha phir bhi 

ek parda khincha raha mujh mein 


mujh mein aa ke gira tha ek zaKHmi 

jaane kab tak paDa raha mujh mein 


itna KHali tha andarun mera 

kuchh dinon to KHuda raha mujh mein 

ہے فصیلیں اٹھا رہا مجھ میں 

جانے یہ کون آ رہا مجھ میں 


جونؔ مجھ کو جلا وطن کر کے 

وہ مرے بن بھلا رہا مجھ میں 


مجھ سے اس کو رہی تلاش امید 

سو بہت دن چھپا رہا مجھ میں 


تھا قیامت سکوت کا آشوب 

حشر سا اک بپا رہا مجھ میں 


پس پردہ کوئی نہ تھا پھر بھی 

ایک پردہ کھنچا رہا مجھ میں 


مجھ میں آ کے گرا تھا اک زخمی 

جانے کب تک پڑا رہا مجھ میں 


اتنا خالی تھا اندروں میرا 

کچھ دنوں تو خدا رہا مجھ میں 

है फ़सीलें उठा रहा मुझ में 

जाने ये कौन आ रहा मुझ में 


'जौन' मुझ को जिला-वतन कर के 

वो मिरे बिन भला रहा मुझ में 


मुझ से उस को रही तलाश-ए-उमीद 

सो बहुत दिन छुपा रहा मुझ में 


था क़यामत सुकूत का आशोब 

हश्र सा इक बपा रहा मुझ में 


पस-ए-पर्दा कोई न था फिर भी 

एक पर्दा खिंचा रहा मुझ में 


मुझ में आ के गिरा था इक ज़ख़्मी 

जाने कब तक पड़ा रहा मुझ में 


इतना ख़ाली था अंदरूँ मेरा 

कुछ दिनों तो ख़ुदा रहा मुझ में 


SOURCE :

Book :

Edition :

Publication :

Advertizement


Coments