ہم تو جیسے وہاں کے تھے ہی نہیں 

بے اماں تھے اماں کے تھے ہی نہیں 

ہم کہ ہیں تیری داستاں یکسر 

ہم تری داستاں کے تھے ہی نہیں 

ان کو آندھی میں ہی بکھرنا تھا 

بال و پر آشیاں کے تھے ہی نہیں 

اب ہمارا مکان کس کا ہے 

ہم تو اپنے مکاں کے تھے ہی نہیں 

ہو تری خاک آستاں پہ سلام 

ہم ترے آستاں کے تھے ہی نہیں 

ہم نے رنجش میں یہ نہیں سوچا 

کچھ سخن تو زباں کے تھے ہی نہیں 

دل نے ڈالا تھا درمیاں جن کو 

لوگ وہ درمیاں کے تھے ہی نہیں 

اس گلی نے یہ سن کے صبر کیا 

جانے والے یہاں کے تھے ہی نہیں 

हम तो जैसे वहाँ के थे ही नहीं 

बे-अमाँ थे अमाँ के थे ही नहीं 

हम कि हैं तेरी दास्ताँ यकसर 

हम तिरी दास्ताँ के थे ही नहीं 

उन को आँधी में ही बिखरना था 

बाल ओ पर आशियाँ के थे ही नहीं 

अब हमारा मकान किस का है 

हम तो अपने मकाँ के थे ही नहीं 

हो तिरी ख़ाक-ए-आस्ताँ पे सलाम 

हम तिरे आस्ताँ के थे ही नहीं 

हम ने रंजिश में ये नहीं सोचा 

कुछ सुख़न तो ज़बाँ के थे ही नहीं 

दिल ने डाला था दरमियाँ जिन को 

लोग वो दरमियाँ के थे ही नहीं 

उस गली ने ये सुन के सब्र किया 

जाने वाले यहाँ के थे ही नहीं