ہم تو یوں خوش تھے کہ اک تار گریبان میں ہے 

کیا خبر تھی کہ بہار اس کے بھی ارمان میں ہے 

ایک ضرب اور بھی اے زندگیٔ تیشہ بدست 

سانس لینے کی سکت اب بھی مری جان میں ہے 

میں تجھے کھو کے بھی زندہ ہوں یہ دیکھا تو نے 

کس قدر حوصلہ ہارے ہوئے انسان میں ہے 

فاصلے قرب کے شعلوں کو ہوا دیتے ہیں 

میں ترے شہر سے دور اور تو مرے دھیان میں ہے 

سر دیوار فروزاں ہے ابھی ایک چراغ 

اے نسیم سحری کچھ ترے امکان میں ہے 

دل دھڑکنے کی صدا آتی ہے گاہے گاہے 

جیسے اب بھی تری آواز مرے کان میں ہے 

خلقت شہر کے ہر ظلم کے با وصف فرازؔ 

ہائے وہ ہاتھ کہ اپنے ہی گریبان میں ہے 

हम तो यूँ ख़ुश थे कि इक तार गरेबान में है 

क्या ख़बर थी कि बहार इस के भी अरमान में है 

एक ज़र्ब और भी ऐ ज़िंदगी-ए-तेशा-ब-दस्त 

साँस लेने की सकत अब भी मिरी जान में है 

मैं तुझे खो के भी ज़िंदा हूँ ये देखा तू ने 

किस क़दर हौसला हारे हुए इंसान में है 

फ़ासले क़ुर्ब के शो'लों को हवा देते हैं 

में तिरे शहर से दूर और तू मिरे ध्यान में है 

सर-ए-दीवार फ़रोज़ाँ है अभी एक चराग़ 

ऐ नसीम-ए-सहरी कुछ तिरे इम्कान में है 

दिल धड़कने की सदा आती है गाहे-गाहे 

जैसे अब भी तिरी आवाज़ मिरे कान में है 

ख़िल्क़त-ए-शहर के हर ज़ुल्म के बा-वस्फ़ 'फ़राज़' 

हाए वो हाथ कि अपने ही गरेबान में है