جب عشق سکھاتا ہے آداب خود آگاہی 

کھلتے ہیں غلاموں پر اسرار شہنشاہی 

عطارؔ ہو رومیؔ ہو رازیؔ ہو غزالیؔ ہو 

کچھ ہاتھ نہیں آتا بے آہ سحرگاہی 

نومید نہ ہو ان سے اے رہبر فرزانہ 

کم کوش تو ہیں لیکن بے ذوق نہیں راہی 

اے طائر لاہوتی اس رزق سے موت اچھی 

جس رزق سے آتی ہو پرواز میں کوتاہی 

دارا و سکندر سے وہ مرد فقیر اولیٰ 

ہو جس کی فقیری میں بوئے اسد اللہٰی 

آئین جواں مرداں حق گوئی و بیباکی 

اللہ کے شیروں کو آتی نہیں روباہی 

जब इश्क़ सिखाता है आदाब-ए-ख़ुद-आगाही 

खुलते हैं ग़ुलामों पर असरार-ए-शहंशाही 

'अत्तार' हो 'रूमी' हो 'राज़ी' हो 'ग़ज़ाली' हो 

कुछ हाथ नहीं आता बे-आह-ए-सहर-गाही 

नौमीद न हो इन से ऐ रहबर-ए-फ़रज़ाना 

कम-कोश तो हैं लेकिन बे-ज़ौक़ नहीं राही 

ऐ ताइर-ए-लाहूती उस रिज़्क़ से मौत अच्छी 

जिस रिज़्क़ से आती हो पर्वाज़ में कोताही 

दारा ओ सिकंदर से वो मर्द-ए-फ़क़ीर औला 

हो जिस की फ़क़ीरी में बू-ए-असदूल-लाही 

आईन-ए-जवाँ-मर्दां हक़-गोई ओ बे-बाकी 

अल्लाह के शेरों को आती नहीं रूबाही