رنج ہے حالت سفر حال قیام رنج ہے 

صبح بہ صبح رنج ہے شام بہ شام رنج ہے 

اس کی شمیم زلف کا کیسے ہو شکریہ ادا 

جب کہ شمیم رنج ہے جب کہ مشام رنج ہے 

صید تو کیا کہ صید کار خود بھی نہیں یہ جانتا 

دانہ بھی رنج ہے یہاں یعنی کہ دام رنج ہے 

معنئ جاودان جاں کچھ بھی نہیں مگر زیاں 

سارے کلیم ہیں زبوں سارا کلام رنج ہے 

بابا الف مری نمود رنج ہے آپ کے بقول 

کیا مرا نام بھی ہے رنج ہاں ترا نام رنج ہے 

کاسہ گداگری کا ہے ناف پیالہ یار کا 

بھوک ہے وہ بدن تمام وصل تمام رنج ہے 

جیت کے کوئی آئے تب ہار کے کوئی آئے تب 

جوہر تیغ شرم ہے اور نیام رنج ہے 

دل نے پڑھا سبق تمام بود تو ہے قلق تمام 

ہاں مرا نام رنج ہے ہاں ترا نام رنج ہے 

پیک قضا ہے دم بہ دم جونؔ قدم قدم شمار 

لغزش گام رنج ہے حسن خرام رنج ہے 

بابا الف نے شب کہا نشہ بہ نشہ کر گلے 

جرعہ بہ جرعہ رنج ہے جام بہ جام رنج ہے 

آن پہ ہو مدار کیا بود کے روزگار کا 

دم ہمہ دم ہے دوں یہ دم وہم دوام رنج ہے 

رزم ہے خون کا حذر کوئی بہائے یا بہے 

رستم و زال ہیں ملال یعنی کہ سام رنج ہے 

रंज है हालत-ए-सफ़र हाल-ए-क़याम रंज है 

सुब्ह-ब-सुब्ह रंज है शाम-ब-शाम रंज है 

उस की शमीम-ए-ज़ुल्फ़ का कैसे हो शुक्रिया अदा 

जब कि शमीम रंज है जब कि मशाम रंज है 

सैद तो क्या कि सैद-कार ख़ुद भी नहीं ये जानता 

दाना भी रंज है यहाँ या'नी कि दाम रंज है 

मानी-ए-जावेदान-ए-जाँ कुछ भी नहीं मगर ज़ियाँ 

सारे कलीम हैं ज़ुबूँ सारा कलाम रंज है 

बाबा अलिफ़ मिरी नुमूद रंज है आप के ब-क़ौल 

क्या मिरा नाम भी है रंज हाँ तिरा नाम रंज है 

कासा गदागरी का है नाफ़-पियाला यार का 

भूक है वो बदन तमाम वस्ल तमाम रंज है 

जीत के कोई आए तब हार के कोई आए तब 

जौहर-ए-तेग़ शर्म है और नियाम रंज है 

दिल ने पढ़ा सबक़ तमाम बूद तो है क़लक़ तमाम 

हाँ मिरा नाम रंज है हाँ तिरा नाम रंज है 

पैक-ए-क़ज़ा है दम-ब-दम 'जौन' क़दम क़दम शुमार 

लग़्ज़िश-ए-गाम रंज है हुस्न-ए-ख़िराम रंज है 

बाबा अलिफ़ ने शब कहा नश्शा-ब-नश्शा कर गिले 

जुरआ-ब-जुरआ रंज है जाम-ब-जाम रंज है 

आन पे हो मदार क्या बूद के रोज़गार का 

दम हमा-दम है दूँ ये दम वहम-ए-दवाम रंज है 

रज़्म है ख़ून का हज़र कोई बहाए या बहे 

रुस्तम ओ ज़ाल हैं मलाल या'नी कि साम रंज है