جلنے لگے خلا میں ہواؤں کے نقش پا 

سورج کا ہاتھ شام کی گردن پہ جا پڑا 

چھت پر پگھل کے جم گئی خوابوں کی چاندنی 

کمرے کا درد ہانپتے سایوں کو کھا گیا 

بستر میں ایک چاند تراشا تھا لمس نے 

اس نے اٹھا کے چائے کے کپ میں ڈبو دیا 

ہر آنکھ میں تھی ٹوٹتے لمحوں کی تشنگی 

ہر جسم پہ تھا وقت کا سایہ پڑا ہوا 

دیکھا تھا سب نے ڈوبنے والے کو دور دور 

پانی کی انگلیوں نے کنارے کو چھو لیا 

آئے گی رات منہ پہ سیاہی ملے ہوئے 

رکھ دے گا دن بھی ہاتھ میں کاغذ پھٹا ہوا 

जलने लगे ख़ला में हवाओं के नक़्श-ए-पा 

सूरज का हाथ शाम की गर्दन पे जा पड़ा 

छत पर पिघल के जम गई ख़्वाबों की चाँदनी 

कमरे का दर्द हाँपते सायों को खा गया 

बिस्तर में एक चाँद तराशा था लम्स ने 

उस ने उठा के चाय के कप में डुबो दिया 

हर आँख में थी टूटते लम्हों की तिश्नगी 

हर जिस्म पे था वक़्त का साया पड़ा हुआ 

देखा था सब ने डूबने वाले को दूर दूर 

पानी की उँगलियों ने किनारे को छू लिया 

आएगी रात मुँह पे सियाही मले हुए 

रख देगा दिन भी हाथ में काग़ज़ फटा हुआ