جاؤ قرار بے دلاں شام بخیر شب بخیر 

صحن ہوا دھواں دھواں شام بخیر شب بخیر 

شام وصال ہے قریب صبح کمال ہے قریب 

پھر نہ رہیں گے سرگراں شام بخیر شب بخیر 

وجد کرے گی زندگی جسم بہ جسم جاں بہ جاں 

جسم بہ جسم جاں بہ جاں شام بخیر شب بخیر 

اے مرے شوق کی امنگ میرے شباب کی ترنگ 

تجھ پہ شفق کا سائباں شام بخیر شب بخیر 

تو مری شاعری میں ہے رنگ طراز و گل فشاں 

تیری بہار بے خزاں شام بخیر شب بخیر 

تیرا خیال خواب خواب خلوت جاں کی آب و تاب 

جسم جمیل و نوجواں شام بخیر شب بخیر 

ہے مرا نام ارجمند تیرا حصار سر بلند 

بانو شہر جسم و جاں شام بخیر شب بخیر 

دید سے جان دید تک دل سے رخ امید تک 

کوئی نہیں ہے درمیاں شام بخیر شب بخیر 

ہو گئی دیر جاؤ تم مجھ کو گلے لگاؤ تم 

تو مری جاں ہے میری جاں شام بخیر شب بخیر 

شام بخیر شب بخیر موج شمیم پیرہن 

تیری مہک رہے گی یاں شام بخیر شب بخیر 

जाओ क़रार-ए-बे-दिलाँ शाम-ब-ख़ैर शब-ब-ख़ैर 

सहन हुआ धुआँ धुआँ शाम-ब-ख़ैर शब-ब-ख़ैर 

शाम-ए-विसाल है क़रीब सुब्ह-ए-कमाल है क़रीब 

फिर न रहेंगे सरगिराँ शाम-ब-ख़ैर शब-ब-ख़ैर 

वज्द करेगी ज़िंदगी जिस्म-ब-जिस्म जाँ-ब-जाँ 

जिस्म-ब-जिस्म जाँ-ब-जाँ शाम-ब-ख़ैर शब-ब-ख़ैर 

ऐ मिरे शौक़ की उमंग मेरे शबाब की तरंग 

तुझ पे शफ़क़ का साएबाँ शाम-ब-ख़ैर शब-ब-ख़ैर 

तू मिरी शायरी में है रंग-ए-तराज़ ओ गुल-फ़िशाँ 

तेरी बहार बे-ख़िज़ाँ शाम-ब-ख़ैर शब-ब-ख़ैर 

तेरा ख़याल ख़्वाब ख़्वाब ख़ल्वत-ए-जाँ की आब-ओ-ताब 

जिस्म-ए-जमील-ओ-नौजवाँ शाम-ब-ख़ैर शब-ब-ख़ैर 

है मिरा नाम-ए-अर्जुमंद तेरा हिसार-ए-सर-बुलंद 

बानो-ए-शहर-ए-जिस्म-ओ-जाँ शाम-ब-ख़ैर शब-ब-ख़ैर 

दीद से जान-ए-दीद तक दिल से रुख़-ए-उमीद तक 

कोई नहीं है दरमियाँ शाम-ब-ख़ैर शब-ब-ख़ैर 

हो गई देर जाओ तुम मुझ को गले लगाओ तुम 

तू मिरी जाँ है मेरी जाँ शाम-ब-ख़ैर शब-ब-ख़ैर 

शाम-ब-ख़ैर शब-ब-ख़ैर मौज-ए-शमीम-ए-पैरहन 

तेरी महक रहेगी याँ शाम-ब-ख़ैर शब-ब-ख़ैर