جو چیز تھی کمرے میں وہ بے ربط پڑی تھی 

تنہائیٔ شب بند قبا کھول رہی تھی 

آواز کی دیوار بھی چپ چاپ کھڑی تھی 

کھڑکی سے جو دیکھا تو گلی اونگھ رہی تھی 

بالوں نے ترا لمس تو محسوس کیا تھا 

لیکن یہ خبر دل نے بڑی دیر سے دی تھی 

ہاتھوں میں نیا چاند پڑا ہانپ رہا تھا 

رانوں پہ برہنہ سی نمی رینگ رہی تھی 

یادوں نے اسے توڑ دیا مار کے پتھر 

آئینے کی خندق میں جو پرچھائیں پڑی تھی 

دنیا کی گزرتے ہوئے پڑتی تھیں نگاہیں 

شیشے کی جگہ کھڑکی میں رسوائی جڑی تھی 

ٹوٹی ہوئی محراب سے گنبد کے کھنڈر تک 

اک بوڑھے موذن کی صدا گونج رہی تھی 

जो चीज़ थी कमरे में वो बे-रब्त पड़ी थी 

तन्हाई-ए-शब बंद-ए-क़बा खोल रही थी 

आवाज़ की दीवार भी चुप-चाप खड़ी थी 

खिड़की से जो देखा तो गली ऊँघ रही थी 

बालों ने तिरा लम्स तो महसूस किया था 

लेकिन ये ख़बर दिल ने बड़ी देर से दी थी 

हाथों में नया चाँद पड़ा हाँप रहा था 

रानों पे बरहना सी नमी रेंग रही थी 

यादों ने उसे तोड़ दिया मार के पत्थर 

आईने की ख़ंदक़ में जो परछाईं पड़ी थी 

दुनिया की गुज़रते हुए पड़ती थीं निगाहें 

शीशे की जगह खिड़की में रुस्वाई जड़ी थी 

टूटी हुई मेहराब से गुम्बद के खंडर तक 

इक बूढ़े मोअज़्ज़िन की सदा गूँज रही थी