کل ہم نے بزم یار میں کیا کیا شراب پی 

صحرا کی تشنگی تھی سو دریا شراب پی 

اپنوں نے تج دیا ہے تو غیروں میں جا کے بیٹھ 

اے خانماں خراب نہ تنہا شراب پی 

تو ہم سفر نہیں ہے تو کیا سیر گلستاں 

تو ہم سبو نہیں ہے تو پھر کیا شراب پی 

اے دل گرفتۂ غم جاناں سبو اٹھا 

اے کشتۂ جفائے زمانہ شراب پی 

اک مہرباں بزرگ نے یہ مشورہ دیا 

دکھ کا کوئی علاج نہیں جا شراب پی 

بادل گرج رہا تھا ادھر محتسب ادھر 

پھر جب تلک یہ عقدہ نہ سلجھا شراب پی 

اے تو کہ تیرے در پہ ہیں رندوں کے جمگھٹے 

اک روز اس فقیر کے گھر آ شراب پی 

دو جام ان کے نام بھی اے پیر میکدہ 

جن رفتگاں کے ساتھ ہمیشہ شراب پی 

کل ہم سے اپنا یار خفا ہو گیا فرازؔ 

شاید کہ ہم نے حد سے زیادہ شراب پی 

कल हम ने बज़्म-ए-यार में क्या क्या शराब पी 

सहरा की तिश्नगी थी सो दरिया शराब पी 

अपनों ने तज दिया है तो ग़ैरों में जा के बैठ 

ऐ ख़ानुमाँ-ख़राब न तन्हा शराब पी 

तू हम-सफ़र नहीं है तो क्या सैर-ए-गुलिस्ताँ 

तो हम-सुबू नहीं है तो फिर क्या शराब पी 

ऐ दिल-गिरफ़्ता-ए-ग़म-ए-जानां सुबू उठा 

ऐ कुश्ता-ए-जफ़ा-ए-ज़माना शराब पी 

इक मेहरबाँ बुज़ुर्ग ने ये मशवरा दिया 

दुख का कोई इलाज नहीं जा शराब पी 

बादल गरज रहा था इधर मोहतसिब उधर 

फिर जब तलक ये उक़्दा न सुलझा शराब पी 

ऐ तू कि तेरे दर पे हैं रिंदों के जमघटे 

इक रोज़ उस फ़क़ीर के घर आ शराब पी 

दो जाम उन के नाम भी ऐ पीर-ए-मय-कदा 

जिन रफ़्तगाँ के साथ हमेशा शराब पी 

कल हम से अपना यार ख़फ़ा हो गया 'फ़राज़' 

शायद कि हम ने हद से ज़ियादा शराब पी