کسی جانب سے بھی پرچم نہ لہو کا نکلا 

اب کے موسم میں بھی عالم وہی ہو کا نکلا 

دست قاتل سے کچھ امید شفا تھی لیکن 

نوک خنجر سے بھی کانٹا نہ گلو کا نکلا 

عشق الزام لگاتا تھا ہوس پر کیا کیا 

یہ منافق بھی ترے وصل کا بھوکا نکلا 

جی نہیں چاہتا مے خانے کو جائیں جب سے 

شیخ بھی بزم نشیں اہل سبو کا نکلا 

دل کو ہم چھوڑ کے دنیا کی طرف آئے تھے 

یہ شبستاں بھی اسی غالیہ مو کا نکلا 

ہم عبث سوزن و رشتہ لیے گلیوں میں پھرے 

کسی دل میں نہ کوئی کام رفو کا نکلا 

یار بے فیض سے کیوں ہم کو توقع تھی فرازؔ 

جو نہ اپنا نہ ہمارا نہ عدو کا نکلا 

किसी जानिब से भी परचम न लहू का निकला 

अब के मौसम में भी आलम वही हू का निकला 

दस्त-ए-क़ातिल से कुछ उम्मीद-ए-शफ़ा थी लेकिन 

नोक-ए-ख़ंजर से भी काँटा न गुलू का निकला 

इश्क़ इल्ज़ाम लगाता था हवस पर क्या क्या 

ये मुनाफ़िक़ भी तिरे वस्ल का भूका निकला 

जी नहीं चाहता मय-ख़ाने को जाएँ जब से 

शैख़ भी बज़्म-नशीं अहल-ए-सुबू का निकला 

दिल को हम छोड़ के दुनिया की तरफ़ आए थे 

ये शबिस्ताँ भी इसी ग़ालिया-मू का निकला 

हम अबस सोज़न-ओ-रिश्ता लिए गलियों में फिरे 

किसी दिल में न कोई काम रफ़ू का निकला 

यार-ए-बे-फ़ैज़ से क्यूँ हम को तवक़्क़ो' थी 'फ़राज़' 

जो न अपना न हमारा न अदू का निकला