کسی سے کوئی خفا بھی نہیں رہا اب تو 

گلا کرو کہ گلا بھی نہیں رہا اب تو 

وہ کاہشیں ہیں کہ عیش جنوں تو کیا یعنی 

غرور ذہن رسا بھی نہیں رہا اب تو 

شکست ذات کا اقرار اور کیا ہوگا 

کہ ادعائے وفا بھی نہیں رہا اب تو 

چنے ہوئے ہیں لبوں پر ترے ہزار جواب 

شکایتوں کا مزہ بھی نہیں رہا اب تو 

ہوں مبتلائے یقیں میری مشکلیں مت پوچھ 

گمان عقدہ کشا بھی نہیں رہا اب تو 

مرے وجود کا اب کیا سوال ہے یعنی 

میں اپنے حق میں برا بھی نہیں رہا اب تو 

یہی عطیۂ صبح شب وصال ہے کیا 

کہ سحر ناز و ادا بھی نہیں رہا اب تو 

یقین کر جو تری آرزو میں تھا پہلے 

وہ لطف تیرے سوا بھی نہیں رہا اب تو 

وہ سکھ وہاں کہ خدا کی ہیں بخششیں کیا کیا 

یہاں یہ دکھ کہ خدا بھی نہیں رہا اب تو 

किसी से कोई ख़फ़ा भी नहीं रहा अब तो 

गिला करो कि गिला भी नहीं रहा अब तो 

वो काहिशें हैं कि ऐश-ए-जुनूँ तो क्या या'नी 

ग़ुरूर-ए-ज़ेहन-ए-रसा भी नहीं रहा अब तो 

शिकस्त-ए-ज़ात का इक़रार और क्या होगा 

कि इद्दा-ए-वफ़ा भी नहीं रहा अब तो 

चुने हुए हैं लबों पर तिरे हज़ार जवाब 

शिकायतों का मज़ा भी नहीं रहा अब तो 

हूँ मुब्तला-ए-यक़ीं मेरी मुश्किलें मत पूछ 

गुमान-ए-उक़्दा-कुशा भी नहीं रहा अब तो 

मिरे वजूद का अब क्या सवाल है या'नी 

मैं अपने हक़ में बुरा भी नहीं रहा अब तो 

यही अतिय्या-ए-सुब्ह-ए-शब-ए-विसाल है क्या 

कि सेहर-ए-नाज़-ओ-अदा भी नहीं रहा अब तो 

यक़ीन कर जो तिरी आरज़ू में था पहले 

वो लुत्फ़ तेरे सिवा भी नहीं रहा अब तो 

वो सुख वहाँ कि ख़ुदा की हैं बख़्शिशें क्या क्या 

यहाँ ये दुख कि ख़ुदा भी नहीं रहा अब तो