دولت دہر سب لٹائی ہے 

میں نے دل کی کمائی کھائی ہے 

ایک لمحے کو تیر کرنے میں 

میں نے اک زندگی گنوائی ہے 

وہ جو سرمایۂ دل و جاں تھی 

اب وہی آرزو پرائی ہے 

تو ہے آخر کہاں کہ آج مجھے 

بے طرح اپنی یاد آئی ہے 

جان جاں تجھ سے دو بدو ہو کر 

میں نے خود سے شکست کھائی ہے 

عشق میرے گمان میں یاراں 

دل کی اک زور آزمائی ہے 

اس میں رہ کر بھی میں نہیں اس میں 

جانیے دل میں کیا سمائی ہے 

موج باد صبا پہ ہو کے سوار 

وہ شمیم خیال آئی ہے 

شرم کر تو کہ دشت حالت میں 

تیری لیلیٰ نے خاک اڑائی ہے 

بک نہیں پا رہا تھا سو میں نے 

اپنی قیمت بہت بڑھائی ہے 

وہ جو تھا جونؔ وہ کہیں بھی نہ تھا 

حسن اک خواب کی جدائی ہے 

दौलत-ए-दहर सब लुटाई है 

मैं ने दिल की कमाई खाई है 

एक लम्हे को तीर करने में 

मैं ने इक ज़िंदगी गँवाई है 

वो जो सरमाया-ए-दिल-ओ-जाँ थी 

अब वही आरज़ू पराई है 

तू है आख़िर कहाँ कि आज मुझे 

बे-तरह अपनी याद आई है 

जान-ए-जाँ तुझ से दू-बदू हो कर 

मैं ने ख़ुद से शिकस्त खाई है 

इश्क़ मेरे गुमान में याराँ 

दिल की इक ज़ोर आज़माई है 

उस में रह कर भी मैं नहीं उस में 

जानिए दिल में क्या समाई है 

मौज-ए-बाद-ए-सबा पे हो के सवार 

वो शमीम-ए-ख़याल आई है 

शर्म कर तू कि दश्त-ए-हालत में 

तेरी लैला ने ख़ाक उड़ाई है 

बिक नहीं पा रहा था सो मैं ने 

अपनी क़ीमत बहुत बढ़ाई है 

वो जो था 'जौन' वो कहीं भी न था 

हुस्न इक ख़्वाब की जुदाई है