بزم سے جب نگار اٹھتا ہے 

میرے دل سے غبار اٹھتا ہے 

میں جو بیٹھا ہوں تو وہ خوش قامت 

دیکھ لو بار بار اٹھتا ہے 

تیری صورت کو دیکھ کر مری جاں 

خود بخود دل میں پیار اٹھتا ہے 

اس کی گل گشت سے روش بہ روش 

رنگ ہی رنگ یار اٹھتا ہے 

تیرے جاتے ہی اس خرابے سے 

شور گریہ ہزار اٹھتا ہے 

کون ہے جس کو جاں عزیز نہیں 

لے ترا جاں نثار اٹھتا ہے 

صف بہ صف آ کھڑے ہوئے ہیں غزال 

دشت سے خاکسار اٹھتا ہے 

ہے یہ تیشہ کہ ایک شعلہ سا 

بر سر کہسار اٹھتا ہے 

کرب تنہائی ہے وہ شے کہ خدا 

آدمی کو پکار اٹھتا ہے 

تو نے پھر کسب زر کا ذکر کیا 

کہیں ہم سے یہ بار اٹھتا ہے 

لو وہ مجبور شہر صحرا سے 

آج دیوانہ وار اٹھتا ہے 

اپنے یاں تو زمانے والوں کا 

روز ہی اعتبار اٹھتا ہے 

جونؔ اٹھتا ہے یوں کہو یعنی 

میرؔ و غالبؔ کا یار اٹھتا ہے

बज़्म से जब निगार उठता है 

मेरे दिल से ग़ुबार उठता है 

मैं जो बैठा हूँ तो वो ख़ुश-क़ामत 

देख लो बार बार उठता है 

तेरी सूरत को देख कर मिरी जाँ 

ख़ुद-बख़ुद दिल में प्यार उठता है 

उस की गुल-गश्त से रविश-ब-रविश 

रंग ही रंग यार उठता है 

तेरे जाते ही इस ख़राबे से 

शोर-ए-गिर्या हज़ार उठता है 

कौन है जिस को जाँ अज़ीज़ नहीं 

ले तिरा जाँ-निसार उठता है 

सफ़-ब-सफ़ आ खड़े हुए हैं ग़ज़ाल 

दश्त से ख़ाकसार उठता है 

है ये तेशा कि एक शो'ला सा 

बर-सर-ए-कोहसार उठता है 

कर्ब-ए-तन्हाई है वो शय कि ख़ुदा 

आदमी को पुकार उठता है 

तू ने फिर कस्ब-ए-ज़र का ज़िक्र किया 

कहीं हम से ये बार उठता है 

लो वो मजबूर शहर-ए-सहरा से 

आज दीवाना-वार उठता है 

अपने याँ तो ज़माने वालों का 

रोज़ ही ए'तिबार उठता है 

'जौन' उठता है यूँ कहो या'नी 

'मीर'-ओ-'ग़ालिब' का यार उठता है