چشم میگوں ذرا ادھر کر دے 

دست قدرت کو بے اثر کر دے 

تیز ہے آج درد دل ساقی 

تلخی مے کو تیز تر کر دے 

جوش وحشت ہے تشنہ کام ابھی 

چاک دامن کو تا جگر کر دے 

میری قسمت سے کھیلنے والے 

مجھ کو قسمت سے بے خبر کر دے 

لٹ رہی ہے مری متاع نیاز 

کاش وہ اس طرف نظر کر دے 

فیضؔ تکمیل آرزو معلوم 

ہو سکے تو یوں ہی بسر کر دے

चश्म-ए-मयगूँ ज़रा इधर कर दे 

दस्त-ए-क़ुदरत को बे-असर कर दे 

तेज़ है आज दर्द-ए-दिल साक़ी 

तल्ख़ी-ए-मय को तेज़-तर कर दे 

जोश-ए-वहशत है तिश्ना-काम अभी 

चाक-ए-दामन को ता जिगर कर दे 

मेरी क़िस्मत से खेलने वाले 

मुझ को क़िस्मत से बे-ख़बर कर दे 

लुट रही है मिरी मता-ए-नियाज़ 

काश वो इस तरफ़ नज़र कर दे 

'फ़ैज़' तकमील-ए-आरज़ू मालूम 

हो सके तो यूँही बसर कर दे