nashsha-e-shauq-e-rang mein tujhse judai ki gai

nashsha-e-shauq-e-rang mein tujh se judai ki gai 

ek lakir KHun ki beach mein khinch di gai 


thi jo kabhi sar-e-suKHan meri wo KHamushi gai 

hae kuhan-e-sinan ki baat hae wo baat hi gai 


shauq ki ek umr mein kaise badal sakega dil 

nabz-e-junun hi to thi shahr mein Dubti gai 


us ki gali se uTh ke main aan paDa tha apne ghar 

ek gali ki baat thi aur gali gali gai 


us ki ummid naz ka mujh se ye man tha ki aap 

umr guzar dijiye umr guzar di gai 


daur-ba-daur dil-ba-dil dard-ba-dard dam-ba-dam 

tere yahan riayat-e-haal nahin rakhi gai 


'jaun' junub-e-zard ke KHak-basar ye dukh uTha 

mauj-e-shumal-e-sabz-jaan aai thi aur chali gai 


kya wo guman nahin raha han wo guman nahin raha 

kya wo umid bhi gai han wo umid bhi gai 

نشۂ شوق رنگ میں تجھ سے جدائی کی گئی 

ایک لکیر خون کی بیچ میں کھینچ دی گئی 


تھی جو کبھی سر سخن میری وہ خامشی گئی 

ہائے کہن‌ سنن کی بات ہائے وہ بات ہی گئی 


شوق کی ایک عمر میں کیسے بدل سکے گا دل 

نبض جنون ہی تو تھی شہر میں ڈوبتی گئی 


اس کی گلی سے اٹھ کے میں آن پڑا تھا اپنے گھر 

ایک گلی کی بات تھی اور گلی گلی گئی 


اس کی امید ناز کا مجھ سے یہ مان تھا کہ آپ 

عمر گزار دیجیے عمر گزار دی گئی 


دور بہ دور دل بہ دل درد بہ درد دم بہ دم 

تیرے یہاں رعایت حال نہیں رکھی گئی 


جونؔ جنوب زرد کے خاک بسر یہ دکھ اٹھا 

موج شمال سبز جاں آئی تھی اور چلی گئی 


کیا وہ گماں نہیں رہا ہاں وہ گماں نہیں رہا 

کیا وہ امید بھی گئی ہاں وہ امید بھی گئی 

नश्शा-ए-शौक़-ए-रंग में तुझ से जुदाई की गई 

एक लकीर ख़ून की बीच में खींच दी गई 


थी जो कभी सर-ए-सुख़न मेरी वो ख़ामुशी गई 

हाए कुहन-ए-सिनन की बात हाए वो बात ही गई 


शौक़ की एक उम्र में कैसे बदल सकेगा दिल 

नब्ज़-ए-जुनून ही तो थी शहर में डूबती गई 


उस की गली से उठ के मैं आन पड़ा था अपने घर 

एक गली की बात थी और गली गली गई 


उस की उम्मीद नाज़ का मुझ से ये मान था कि आप 

उम्र गुज़ार दीजिए उम्र गुज़ार दी गई 


दौर-ब-दौर दिल-ब-दिल दर्द-ब-दर्द दम-ब-दम 

तेरे यहाँ रिआ'यत-ए-हाल नहीं रखी गई 


'जौन' जुनूब-ए-ज़र्द के ख़ाक-बसर ये दुख उठा 

मौज-ए-शुमाल-ए-सब्ज़-जाँ आई थी और चली गई 


क्या वो गुमाँ नहीं रहा हाँ वो गुमाँ नहीं रहा 

क्या वो उमीद भी गई हाँ वो उमीद भी गई 


SOURCE :

Book :

Edition :

Publication :

Advertizement


Coments