نظر بجھی تو کرشمے بھی روز و شب کے گئے 

کہ اب تلک نہیں آئے ہیں لوگ جب کے گئے 

کرے گا کون تری بے وفائیوں کا گلہ 

یہی ہے رسم زمانہ تو ہم بھی اب کے گئے 

مگر کسی نے ہمیں ہم سفر نہیں جانا 

یہ اور بات کہ ہم ساتھ ساتھ سب کے گئے 

اب آئے ہو تو یہاں کیا ہے دیکھنے کے لئے 

یہ شہر کب سے ہے ویراں وہ لوگ کب کے گئے 

گرفتہ دل تھے مگر حوصلہ نہ ہارا تھا 

گرفتہ دل میں مگر حوصلے بھی اب کے گئے 

تم اپنی شمع تمنا کو رو رہے ہو فرازؔ 

ان آندھیوں میں تو پیارے چراغ سب کے گئے 

नज़र बुझी तो करिश्मे भी रोज़-ओ-शब के गए 

कि अब तलक नहीं आए हैं लोग जब के गए 

करेगा कौन तिरी बेवफ़ाइयों का गिला 

यही है रस्म-ए-ज़माना तो हम भी अब के गए 

मगर किसी ने हमें हम-सफ़र नहीं जाना 

ये और बात कि हम साथ साथ सब के गए 

अब आए हो तो यहाँ क्या है देखने के लिए 

ये शहर कब से है वीराँ वो लोग कब के गए 

गिरफ़्ता-दिल थे मगर हौसला न हारा था 

गिरफ़्ता-दिल में मगर हौसले भी अब के गए 

तुम अपनी शम-ए-तमन्ना को रो रहे हो 'फ़राज़' 

इन आँधियों में तो प्यारे चराग़ सब के गए