پیام آئے ہیں اس یار بے وفا کے مجھے 

جسے قرار نہ آیا کہیں بھلا کے مجھے 

جدائیاں ہوں تو ایسی کہ عمر بھر نہ ملیں 

فریب دو تو ذرا سلسلے بڑھا کے مجھے 

نشے سے کم تو نہیں یاد یار کا عالم 

کہ لے اڑا ہے کوئی دوش پر ہوا کے مجھے 

میں خود کو بھول چکا تھا مگر جہاں والے 

اداس چھوڑ گئے آئینہ دکھا کے مجھے 

تمہارے بام سے اب کم نہیں ہے رفعت دار 

جو دیکھنا ہو تو دیکھو نظر اٹھا کے مجھے 

کھنچی ہوئی ہے مرے آنسوؤں میں اک تصویر 

فرازؔ دیکھ رہا ہے وہ مسکرا کے مجھے 

पयाम आए हैं उस यार-ए-बेवफ़ा के मुझे 

जिसे क़रार न आया कहीं भुला के मुझे 

जुदाइयाँ हों तो ऐसी कि उम्र भर न मिलें 

फ़रेब दो तो ज़रा सिलसिले बढ़ा के मुझे 

नशे से कम तो नहीं याद-ए-यार का आलम 

कि ले उड़ा है कोई दोश पर हवा के मुझे 

मैं ख़ुद को भूल चुका था मगर जहाँ वाले 

उदास छोड़ गए आईना दिखा के मुझे 

तुम्हारे बाम से अब कम नहीं है रिफ़अत-ए-दार 

जो देखना हो तो देखो नज़र उठा के मुझे 

खिंची हुई है मिरे आँसुओं में इक तस्वीर 

'फ़राज़' देख रहा है वो मुस्कुरा के मुझे