پھر کسی خواب کے پردے سے پکارا جاؤں 

پھر کسی یاد کی تلوار سے مارا جاؤں 

پھر کوئی وسعت آفاق پہ سایہ ڈالے 

پھر کسی آنکھ کے نقطے میں اتارا جاؤں 

دن کے ہنگاموں میں دامن کہیں میلا ہو جائے 

رات کی نقرئی آتش میں نکھارا جاؤں 

خشک کھوئے ہوئے گمنام جزیرے کی طرح 

درد کے کالے سمندر سے ابھارا جاؤں 

اپنی کھوئی ہوئی جنت کا طلب گار بنوں 

دست یزداں سے گنہ گار سنوارا جاؤں 

फिर किसी ख़्वाब के पर्दे से पुकारा जाऊँ 

फिर किसी याद की तलवार से मारा जाऊँ 

फिर कोई वुसअत-ए-आफ़ाक़ पे साया डाले 

फिर किसी आँख के नुक़्ते में उतारा जाऊँ 

दिन के हंगामों में दामन कहीं मैला हो जाए 

रात की नुक़रई आतिश में निखारा जाऊँ 

ख़ुश्क खोए हुए गुमनाम जज़ीरे की तरह 

दर्द के काले समुंदर से उभारा जाऊँ 

अपनी खोई हुई जन्नत का तलबगार बनूँ 

दस्त-ए-यज़्दाँ से गुनहगार सँवारा जाऊँ