وہ خیال محال کس کا تھا 

آئنہ بے مثال کس کا تھا 

سفری اپنے آپ سے تھا میں 

ہجر کس کا وصال کس کا تھا 

میں تو خود میں کہیں نہ تھا موجود 

میرے لب پر سوال کس کا تھا 

تھی مری ذات اک خیال آشوب 

جانے میں ہم خیال کس کا تھا 

جب کہ میں ہر نفس تھا بے احوال 

وہ جو تھا میرا حال کس کا تھا 

دوپہر باد تند کوچۂ یار 

وہ غبار ملال کس کا تھا 

वो ख़याल-ए-मुहाल किस का था 

आइना बे-मिसाल किस का था 

सफ़री अपने आप से था मैं 

हिज्र किस का विसाल किस का था 

मैं तो ख़ुद में कहीं न था मौजूद 

मेरे लब पर सवाल किस का था 

थी मिरी ज़ात इक ख़याल-आशोब 

जाने मैं हम-ख़याल किस का था 

जब कि मैं हर-नफ़स था बे-अहवाल 

वो जो था मेरा हाल किस का था 

दोपहर बाद-ए-तुंद कूचा-ए-यार 

वो ग़ुबार-ए-मलाल किस का था