سوئے فلک نہ جانب مہتاب دیکھنا 

اس شہر دل نواز کے آداب دیکھنا 

تجھ کو کہاں چھپائیں کہ دل پر گرفت ہو 

آنکھوں کو کیا کریں کہ وہی خواب دیکھنا 

وہ موج خوں اٹھی ہے کہ دیوار و در کہاں 

اب کے فصیل شہر کو غرقاب دیکھنا 

ان صورتوں کو ترسے گی چشم جہاں کہ آج 

کم یاب ہیں تو کل ہمیں نایاب دیکھنا 

پھر خون خلق و گردن مینا بچائیو 

پر چل پڑا ہے ذکر مئے ناب دیکھنا 

آباد کوئے چاک گریباں جو پھر ہوا 

دست رقیب و دامن احباب دیکھنا 

ہم لے تو آئے ہیں تجھے اک بے دلی کے ساتھ 

اس انجمن میں اے دل بیتاب دیکھنا 

حد چاہئے فرازؔ وفا میں بھی اور تمہیں 

غم دیکھنا نہ دل کی تب و تاب دیکھنا 

सू-ए-फ़लक न जानिब-ए-महताब देखना 

इस शहर-ए-दिल-नवाज़ के आदाब देखना 

तुझ को कहाँ छुपाएँ कि दिल पर गिरफ़्त हो 

आँखों को क्या करें कि वही ख़्वाब देखना 

वो मौज-ए-ख़ूँ उठी है कि दीवार-ओ-दर कहाँ 

अब के फ़सील-ए-शहर को ग़र्क़ाब देखना 

इन सूरतों को तरसेगी चश्म-ए-जहाँ कि आज 

कमयाब हैं तो कल हमें नायाब देखना 

फिर ख़ून-ए-ख़ल्क़ ओ गर्दन-ए-मीना बचाइयो 

पर चल पड़ा है ज़िक्र-ए-मय-ए-नाब देखना 

आबाद कू-ए-चाक-ए-गरेबाँ जो फिर हुआ 

दस्त-ए-रक़ीब ओ दामन-ए-अहबाब देखना 

हम ले तो आए हैं तुझे इक बे-दिली के साथ 

इस अंजुमन में ऐ दिल-ए-बेताब देखना 

हद चाहिए 'फ़राज़' वफ़ा में भी और तुम्हें 

ग़म देखना न दिल की तब-ओ-ताब देखना