سکوت شام خزاں ہے قریب آ جاؤ 

بڑا اداس سماں ہے قریب آ جاؤ 

نہ تم کو خود پہ بھروسہ نہ ہم کو زعم وفا 

نہ اعتبار جہاں ہے قریب آ جاؤ 

رہ طلب میں کسی کو کسی کا دھیان نہیں 

ہجوم ہم سفراں ہے قریب آ جاؤ 

جو دشت عشق میں بچھڑے وہ عمر بھر نہ ملے 

یہاں دھواں ہی دھواں ہے قریب آ جاؤ 

یہ آندھیاں ہیں تو شہر وفا کی خیر نہیں 

زمانہ خاک فشاں ہے قریب آ جاؤ 

فقیہ شہر کی مجلس نہیں کہ دور رہو 

یہ بزم پیر مغاں ہے قریب آ جاؤ 

فرازؔ دور کے سورج غروب سمجھے گئے 

یہ دور کم نظراں ہے قریب آ جاؤ 

सुकूत-ए-शाम-ए-ख़िज़ाँ है क़रीब आ जाओ 

बड़ा उदास समाँ है क़रीब आ जाओ 

न तुम को ख़ुद पे भरोसा न हम को ज़ोम-ए-वफ़ा 

न ए'तिबार-ए-जहाँ है क़रीब आ जाओ 

रह-ए-तलब में किसी को किसी का ध्यान नहीं 

हुजूम-ए-हम-सफ़राँ है क़रीब आ जाओ 

जो दश्त-ए-इश्क़ में बिछड़े वो उम्र भर न मिले 

यहाँ धुआँ ही धुआँ है क़रीब आ जाओ 

ये आँधियाँ हैं तो शहर-ए-वफ़ा की ख़ैर नहीं 

ज़माना ख़ाक-फ़िशाँ है क़रीब आ जाओ 

फ़क़ीह-ए-शहर की मज्लिस नहीं कि दूर रहो 

ये बज़्म-ए-पीर-ए-मुग़ाँ है क़रीब आ जाओ 

'फ़राज़' दूर के सूरज ग़ुरूब समझे गए 

ये दौर-ए-कम-नज़राँ है क़रीब आ जाओ