تڑپ اٹھوں بھی تو ظالم تری دہائی نہ دوں 

میں زخم زخم ہوں پھر بھی تجھے دکھائی نہ دوں 

ترے بدن میں دھڑکنے لگا ہوں دل کی طرح 

یہ اور بات کہ اب بھی تجھے سنائی نہ دوں 

خود اپنے آپ کو پرکھا تو یہ ندامت ہے 

کہ اب کبھی اسے الزام بے وفائی نہ دوں 

مری بقا ہی مری خواہش گناہ میں ہے 

میں زندگی کو کبھی زہر پارسائی نہ دوں 

جو ٹھن گئی ہے تو یاری پہ حرف کیوں آئے 

حریف جاں کو کبھی طعن آشنائی نہ دوں 

مجھے بھی ڈھونڈ کبھی محو آئنہ داری 

میں تیرا عکس ہوں لیکن تجھے دکھائی نہ دوں 

یہ حوصلہ بھی بڑی بات ہے شکست کے بعد 

کہ دوسروں کو تو الزام نارسائی نہ دوں 

فرازؔ دولت دل ہے متاع محرومی 

میں جام جم کے عوض کاسۂ گدائی نہ دوں 

तड़प उठूँ भी तो ज़ालिम तिरी दुहाई न दूँ 

मैं ज़ख़्म ज़ख़्म हूँ फिर भी तुझे दिखाई न दूँ 

तिरे बदन में धड़कने लगा हूँ दिल की तरह 

ये और बात कि अब भी तुझे सुनाई न दूँ 

ख़ुद अपने आप को परखा तो ये नदामत है 

कि अब कभी उसे इल्ज़ाम-ए-बेवफ़ाई न दूँ 

मिरी बक़ा ही मिरी ख़्वाहिश-ए-गुनाह में है 

मैं ज़िंदगी को कभी ज़हर-ए-पारसाई न दूँ 

जो ठन गई है तो यारी पे हर्फ़ क्यूँ आए 

हरीफ़-ए-जाँ को कभी तान-ए-आश्नाई न दूँ 

मुझे भी ढूँड कभी महव-ए-आइना-दारी 

मैं तेरा अक्स हूँ लेकिन तुझे दिखाई न दूँ 

ये हौसला भी बड़ी बात है शिकस्त के बा'द 

कि दूसरों को तो इल्ज़ाम-ए-ना-रसाई न दूँ 

'फ़राज़' दौलत-ए-दिल है मता-ए-महरूमी 

मैं जाम-ए-जम के एवज़ कासा-ए-गदाई न दूँ