ترا قرب تھا کہ فراق تھا وہی تیری جلوہ گری رہی 

کہ جو روشنی ترے جسم کی تھی مرے بدن میں بھری رہی 

ترے شہر میں میں چلا تھا جب تو کوئی بھی ساتھ نہ تھا مرے 

تو میں کس سے محو کلام تھا تو یہ کس کی ہم سفری رہی 

مجھے اپنے آپ پہ مان تھا کہ نہ جب تلک ترا دھیان تھا 

تو مثال تھی مری آگہی تو کمال بے خبری رہی 

مرے آشنا بھی عجیب تھے نہ رفیق تھے نہ رقیب تھے 

مجھے جاں سے درد عزیز تھا انہیں فکر چارہ گری رہی 

میں یہ جانتا تھا مرا ہنر ہے شکست و ریخت سے معتبر 

جہاں لوگ سنگ بدست تھے وہیں میری شیشہ گری رہی 

جہاں ناصحوں کا ہجوم تھا وہیں عاشقوں کی بھی دھوم تھی 

جہاں بخیہ گر تھے گلی گلی وہیں رسم جامہ دری رہی 

ترے پاس آ کے بھی جانے کیوں مری تشنگی میں ہراس تھا 

بہ مثال چشم غزال جو لب آب جو بھی ڈری رہی 

جو ہوس فروش تھے شہر کے سبھی مال بیچ کے جا چکے 

مگر ایک جنس وفا مری سر رہ دھری کی دھری رہی 

مرے ناقدوں نے فراز جب مرا حرف حرف پرکھ لیا 

تو کہا کہ عہد ریا میں بھی جو بات کھری تھی کھری رہی 

तिरा क़ुर्ब था कि फ़िराक़ था वही तेरी जल्वागरी रही 

कि जो रौशनी तिरे जिस्म की थी मिरे बदन में भरी रही 

तिरे शहर में मैं चला था जब तो कोई भी साथ न था मिरे 

तो मैं किस से महव-ए-कलाम था तो ये किस की हम-सफ़री रही 

मुझे अपने आप पे मान था कि न जब तलक तिरा ध्यान था 

तू मिसाल थी मिरी आगही तू कमाल-ए-बे-ख़बरी रही 

मिरे आश्ना भी अजीब थे न रफ़ीक़ थे न रक़ीब थे 

मुझे जाँ से दर्द अज़ीज़ था उन्हें फ़िक्र-ए-चारागरी रही 

मैं ये जानता था मिरा हुनर है शिकस्त-ओ-रेख़्त से मो'तबर 

जहाँ लोग संग-ब-दस्त थे वहीं मेरी शीशागरी रही 

जहाँ नासेहों का हुजूम था वहीं आशिक़ों की भी धूम थी 

जहाँ बख़िया-गर थे गली गली वहीं रस्म-ए-जामा-दरी रही 

तिरे पास आ के भी जाने क्यूँ मिरी तिश्नगी में हिरास था 

ब-मिसाल-ए-चश्म-ए-ग़ज़ाल जो लब-ए-आबजू भी डरी रही 

जो हवस फ़रोश थे शहर के सभी माल बेच के जा चुके 

मगर एक जिंस-ए-वफ़ा मिरी सर-ए-रह धरी की धरी रही 

मिरे नाक़िदों ने फ़राज़ जब मिरा हर्फ़ हर्फ़ परख लिया 

तो कहा कि अहद-ए-रिया में भी जो बात खरी थी खरी रही