tere hote hue mahfil mein jalate hain charagh

tere hote hue mahfil mein jalate hain charagh 

log kya sada hain suraj ko dikhate hain charagh 


apni mahrumi ke ehsas se sharminda hain 

KHud nahin rakhte to auron ke bujhate hain charagh 


bastiyan dur hui jati hain rafta rafta 

dam-ba-dam aankhon se chhupte chale jate hain charagh 


kya KHabar un ko ki daman bhi bhaDak uThte hain 

jo zamane ki hawaon se bachate hain charagh 


go siyah-baKHt hain hum log pe raushan hai zamir 

KHud andhere mein hain duniya ko dikhate hain charagh 


bastiyan chand sitaron ki basane walo 

kurra-e-arz pe bujhte chale jate hain charagh 


aise bedard hue hum bhi ki ab gulshan par 

barq girti hai to zindan mein jalate hain charagh 


aisi tarikiyan aankhon mein basi hain ki 'faraaz' 

raat to raat hai hum din ko jalate hain charagh 

تیرے ہوتے ہوئے محفل میں جلاتے ہیں چراغ 

لوگ کیا سادہ ہیں سورج کو دکھاتے ہیں چراغ 


اپنی محرومی کے احساس سے شرمندہ ہیں 

خود نہیں رکھتے تو اوروں کے بجھاتے ہیں چراغ 


بستیاں دور ہوئی جاتی ہیں رفتہ رفتہ 

دم بہ دم آنکھوں سے چھپتے چلے جاتے ہیں چراغ 


کیا خبر ان کو کہ دامن بھی بھڑک اٹھتے ہیں 

جو زمانے کی ہواؤں سے بچاتے ہیں چراغ 


گو سیہ بخت ہیں ہم لوگ پہ روشن ہے ضمیر 

خود اندھیرے میں ہیں دنیا کو دکھاتے ہیں چراغ 


بستیاں چاند ستاروں کی بسانے والو 

کرۂ ارض پہ بجھتے چلے جاتے ہیں چراغ 


ایسے بے درد ہوئے ہم بھی کہ اب گلشن پر 

برق گرتی ہے تو زنداں میں جلاتے ہیں چراغ 


ایسی تاریکیاں آنکھوں میں بسی ہیں کہ فرازؔ 

رات تو رات ہے ہم دن کو جلاتے ہیں چراغ 

तेरे होते हुए महफ़िल में जलाते हैं चराग़ 

लोग क्या सादा हैं सूरज को दिखाते हैं चराग़ 


अपनी महरूमी के एहसास से शर्मिंदा हैं 

ख़ुद नहीं रखते तो औरों के बुझाते हैं चराग़ 


बस्तियाँ दूर हुई जाती हैं रफ़्ता रफ़्ता 

दम-ब-दम आँखों से छुपते चले जाते हैं चराग़ 


क्या ख़बर उन को कि दामन भी भड़क उठते हैं 

जो ज़माने की हवाओं से बचाते हैं चराग़ 


गो सियह-बख़्त हैं हम लोग पे रौशन है ज़मीर 

ख़ुद अँधेरे में हैं दुनिया को दिखाते हैं चराग़ 


बस्तियाँ चाँद सितारों की बसाने वालो 

कुर्रा-ए-अर्ज़ पे बुझते चले जाते हैं चराग़ 


ऐसे बेदर्द हुए हम भी कि अब गुलशन पर 

बर्क़ गिरती है तो ज़िंदाँ में जलाते हैं चराग़ 


ऐसी तारीकियाँ आँखों में बसी हैं कि 'फ़राज़' 

रात तो रात है हम दिन को जलाते हैं चराग़ 


SOURCE :

Book :

Edition :

Publication :

Advertizement


Coments