tere qarib aa ke baDi uljhanon mein hun

tere qarib aa ke baDi uljhanon mein hun 

main dushmanon mein hun ki tere doston mein hun 


mujh se gurez-pa hai to har rasta badal 

main sang-e-rah hun to sabhi raston mein hun 


tu aa chuka hai sath pe kab se KHabar nahin 

bedard main abhi unhin gahraiyon mein hun 


ai yar-e-KHush-dayar tujhe kya KHabar ki main 

kab se udasiyon ke ghane jangalon mein hun 


tu luT kar bhi ahl-e-tamanna ko KHush nahin 

yan luT ke bhi wafa ke inhi qafilon mein hun 


badla na mere baad bhi mauzu-e-guftugu 

main ja chuka hun phir bhi teri mahfilon mein hun 


mujh se bichhaD ke tu bhi to roega umr bhar 

ye soch le ki main bhi teri KHwahishon mein hun 


tu hans raha hai mujh pe mera haal dekh kar 

aur phir bhi main sharik tere qahqahon mein hun 


KHud hi misal-e-lala-e-sahra lahu lahu 

aur KHud 'faraaz' apne tamashaiyon mein hun 

تیرے قریب آ کے بڑی الجھنوں میں ہوں 

میں دشمنوں میں ہوں کہ ترے دوستوں میں ہوں 


مجھ سے گریز پا ہے تو ہر راستہ بدل 

میں سنگ راہ ہوں تو سبھی راستوں میں ہوں 


تو آ چکا ہے سطح پہ کب سے خبر نہیں 

بے درد میں ابھی انہیں گہرائیوں میں ہوں 


اے یار خوش دیار تجھے کیا خبر کہ میں 

کب سے اداسیوں کے گھنے جنگلوں میں ہوں 


تو لوٹ کر بھی اہل تمنا کو خوش نہیں 

یاں لٹ کے بھی وفا کے انہی قافلوں میں ہوں 


بدلا نہ میرے بعد بھی موضوع گفتگو 

میں جا چکا ہوں پھر بھی تری محفلوں میں ہوں 


مجھ سے بچھڑ کے تو بھی تو روئے گا عمر بھر 

یہ سوچ لے کہ میں بھی تری خواہشوں میں ہوں 


تو ہنس رہا ہے مجھ پہ مرا حال دیکھ کر 

اور پھر بھی میں شریک ترے قہقہوں میں ہوں 


خود ہی مثال لالۂ صحرا لہو لہو 

اور خود فرازؔ اپنے تماشائیوں میں ہوں 

तेरे क़रीब आ के बड़ी उलझनों में हूँ 

मैं दुश्मनों में हूँ कि तिरे दोस्तों में हूँ 


मुझ से गुरेज़-पा है तो हर रास्ता बदल 

मैं संग-ए-राह हूँ तो सभी रास्तों में हूँ 


तू आ चुका है सत्ह पे कब से ख़बर नहीं 

बेदर्द मैं अभी उन्हीं गहराइयों में हूँ 


ऐ यार-ए-ख़ुश-दयार तुझे क्या ख़बर कि मैं 

कब से उदासियों के घने जंगलों में हूँ 


तू लूट कर भी अहल-ए-तमन्ना को ख़ुश नहीं 

याँ लुट के भी वफ़ा के इन्ही क़ाफ़िलों में हूँ 


बदला न मेरे बाद भी मौज़ू-ए-गुफ़्तुगू 

मैं जा चुका हूँ फिर भी तिरी महफ़िलों में हूँ 


मुझ से बिछड़ के तू भी तो रोएगा उम्र भर 

ये सोच ले कि मैं भी तिरी ख़्वाहिशों में हूँ 


तू हँस रहा है मुझ पे मिरा हाल देख कर 

और फिर भी मैं शरीक तिरे क़हक़हों में हूँ 


ख़ुद ही मिसाल-ए-लाला-ए-सेहरा लहू लहू 

और ख़ुद 'फ़राज़' अपने तमाशाइयों में हूँ 


SOURCE :

Book :

Edition :

Publication :

Advertizement


Coments