tujhse gile karun tujhe jaanan manaun main

tujh se gile karun tujhe jaanan manaun main 

ek bar apne-ap mein aaun to aaun main 


dil se sitam ki be-sar-o-kari hawa ko hai 

wo gard uD rahi hai ki KHud ko ganwaun main 


wo nam hun ki jis pe nadamat bhi ab nahin 

wo kaam hain ki apni judai kamaun main 


kyunkar ho apne KHwab ki aankhon mein wapsi 

kis taur apne dil ke zamanon mein jaun main 


ek rang si kaman ho KHushbu sa ek tir 

marham si wardat ho aur zaKHm khaun main 


shikwa sa ek daricha ho nashsha sa ek sukut 

ho sham ek sharab si aur laDkhaDaun main 


phir us gali se apna guzar chahta hai dil 

ab us gali ko kaun si basti se laun main 

تجھ سے گلے کروں تجھے جاناں مناؤں میں 

اک بار اپنے آپ میں آؤں تو آؤں میں 


دل سے ستم کی بے سر و کاری ہوا کو ہے 

وہ گرد اڑ رہی ہے کہ خود کو گنواؤں میں 


وہ نام ہوں کہ جس پہ ندامت بھی اب نہیں 

وہ کام ہیں کہ اپنی جدائی کماؤں میں 


کیوں کر ہو اپنے خواب کی آنکھوں میں واپسی 

کس طور اپنے دل کے زمانوں میں جاؤں میں 


اک رنگ سی کمان ہو خوشبو سا ایک تیر 

مرہم سی واردات ہو اور زخم کھاؤں میں 


شکوہ سا اک دریچہ ہو نشہ سا اک سکوت 

ہو شام اک شراب سی اور لڑکھڑاؤں میں 


پھر اس گلی سے اپنا گزر چاہتا ہے دل 

اب اس گلی کو کون سی بستی سے لاؤں میں 

तुझ से गिले करूँ तुझे जानाँ मनाऊँ मैं 

इक बार अपने-आप में आऊँ तो आऊँ मैं 


दिल से सितम की बे-सर-ओ-कारी हवा को है 

वो गर्द उड़ रही है कि ख़ुद को गँवाऊँ मैं 


वो नाम हूँ कि जिस पे नदामत भी अब नहीं 

वो काम हैं कि अपनी जुदाई कमाऊँ मैं 


क्यूँकर हो अपने ख़्वाब की आँखों में वापसी 

किस तौर अपने दिल के ज़मानों में जाऊँ मैं 


इक रंग सी कमान हो ख़ुश्बू सा एक तीर 

मरहम सी वारदात हो और ज़ख़्म खाऊँ मैं 


शिकवा सा इक दरीचा हो नश्शा सा इक सुकूत 

हो शाम इक शराब सी और लड़खड़ाऊँ मैं 


फिर उस गली से अपना गुज़र चाहता है दिल 

अब उस गली को कौन सी बस्ती से लाऊँ मैं 


SOURCE :

Book : gumaan (Pg. 168)

Edition :

Publication :

Advertizement


Coments