جانے کہاں گیا ہے وہ وہ جو ابھی یہاں تھا 

وہ جو ابھی یہاں تھا وہ کون تھا کہاں تھا 

تا لمحۂ گزشتہ یہ جسم اور سائے 

زندہ تھے رائیگاں میں جو کچھ تھا رائیگاں تھا 

اب جس کی دید کا ہے سودا ہمارے سر میں 

وہ اپنی ہی نظر میں اپنا ہی اک سماں تھا 

کیا کیا نہ خون تھوکا میں اس گلی میں یارو 

سچ جاننا وہاں تو جو فن تھا رائیگاں تھا 

یہ وار کر گیا ہے پہلو سے کون مجھ پر 

تھا میں ہی دائیں بائیں اور میں ہی درمیاں تھا 

اس شہر کی حفاظت کرنی تھی ہم کو جس میں 

آندھی کی تھیں فصیلیں اور گرد کا مکاں تھا 

تھی اک عجب فضا سی امکان خال و خد کی 

تھا اک عجب مصور اور وہ مرا گماں تھا 

عمریں گزر گئی تھیں ہم کو یقیں سے بچھڑے 

اور لمحہ اک گماں کا صدیوں میں بے اماں تھا 

جب ڈوبتا چلا میں تاریکیوں کی تہ میں 

تہ میں تھا اک دریچہ اور اس میں آسماں تھا 

जाने कहाँ गया है वो वो जो अभी यहाँ था 

वो जो अभी यहाँ था वो कौन था कहाँ था 

ता-लम्हा-ए-गुज़िश्ता ये जिस्म और साए 

ज़िंदा थे राएगाँ में जो कुछ था राएगाँ था 

अब जिस की दीद का है सौदा हमारे सर में 

वो अपनी ही नज़र में अपना ही इक समाँ था 

क्या क्या न ख़ून थूका मैं उस गली में यारो 

सच जानना वहाँ तो जो फ़न था राएगाँ था 

ये वार कर गया है पहलू से कौन मुझ पर 

था मैं ही दाएँ बाएँ और मैं ही दरमियाँ था 

उस शहर की हिफ़ाज़त करनी थी हम को जिस में 

आँधी की थीं फ़सीलें और गर्द का मकाँ था 

थी इक अजब फ़ज़ा सी इमकान-ए-ख़ाल-ओ-ख़द की 

था इक अजब मुसव्विर और वो मिरा गुमाँ था 

उम्रें गुज़र गई थीं हम को यक़ीं से बिछड़े 

और लम्हा इक गुमाँ का सदियों में बे-अमाँ था 

जब डूबता चला मैं तारीकियों की तह में 

तह में था इक दरीचा और उस में आसमाँ था