خواب کے رنگ دل و جاں میں سجائے بھی گئے 

پھر وہی رنگ بہ صد طور جلائے بھی گئے 

انہیں شہروں کو شتابی سے لپیٹا بھی گیا 

جو عجب شوق فراخی سے بچھائے بھی گئے 

بزم شوخی کا کسی کی کہیں کیا حال جہاں 

دل جلائے بھی گئے اور بجھائے بھی گئے 

پشت مٹی سے لگی جس میں ہماری لوگو 

اسی دنگل میں ہمیں داؤ سکھائے بھی گئے 

یاد ایام کہ اک محفل‌ جاں تھی کہ جہاں 

ہاتھ کھینچے بھی گئے اور ملائے بھی گئے 

ہم کہ جس شہر میں تھے سوگ نشین احوال 

روز اس شہر میں ہم دھوم مچائے بھی گئے 

یاد مت رکھیو یہ روداد ہماری ہرگز 

ہم تھے وہ تاج محل جونؔ جو ڈھائے بھی گئے 

ख़्वाब के रंग दिल-ओ-जाँ में सजाए भी गए 

फिर वही रंग ब-सद तौर जलाए भी गए 

उन्हीं शहरों को शिताबी से लपेटा भी गया 

जो अजब शौक़-ए-फ़राख़ी से बिछाए भी गए 

बज़्म शोख़ी का किसी की कहें क्या हाल-ए-जहाँ 

दिल जलाए भी गए और बुझाए भी गए 

पुश्त मिट्टी से लगी जिस में हमारी लोगो 

उसी दंगल में हमें दाव सिखाए भी गए 

याद-ए-अय्याम कि इक महफ़िल-ए-जाँ थी कि जहाँ 

हाथ खींचे भी गए और मिलाए भी गए 

हम कि जिस शहर में थे सोग-नशीन-ए-अहवाल 

रोज़ इस शहर में हम धूम मचाए भी गए 

याद मत रखियो ये रूदाद हमारी हरगिज़ 

हम थे वो ताज-महल 'जौन' जो ढाए भी गए