اس کا اپنا ہی کرشمہ ہے فسوں ہے یوں ہے 

یوں تو کہنے کو سبھی کہتے ہیں یوں ہے یوں ہے 

جیسے کوئی در دل پر ہو ستادہ کب سے 

ایک سایہ نہ دروں ہے نہ بروں ہے یوں ہے 

تم نے دیکھی ہی نہیں دشت وفا کی تصویر 

نوک ہر خار پہ اک قطرۂ خوں ہے یوں ہے 

تم محبت میں کہاں سود و زیاں لے آئے 

عشق کا نام خرد ہے نہ جنوں ہے یوں ہے 

اب تم آئے ہو مری جان تماشا کرنے 

اب تو دریا میں تلاطم نہ سکوں ہے یوں ہے 

ناصحا تجھ کو خبر کیا کہ محبت کیا ہے 

روز آ جاتا ہے سمجھاتا ہے یوں ہے یوں ہے 

شاعری تازہ زمانوں کی ہے معمار فرازؔ 

یہ بھی اک سلسلۂ کن فیکوں ہے یوں ہے 

उस का अपना ही करिश्मा है फ़ुसूँ है यूँ है 

यूँ तो कहने को सभी कहते हैं यूँ है यूँ है 

जैसे कोई दर-ए-दिल पर हो सितादा कब से 

एक साया न दरूँ है न बरूँ है यूँ है 

तुम ने देखी ही नहीं दश्त-ए-वफ़ा की तस्वीर 

नोक-ए-हर-ख़ार पे इक क़तरा-ए-ख़ूँ है यूँ है 

तुम मोहब्बत में कहाँ सूद-ओ-ज़ियाँ ले आए 

इश्क़ का नाम ख़िरद है न जुनूँ है यूँ है 

अब तुम आए हो मिरी जान तमाशा करने 

अब तो दरिया में तलातुम न सुकूँ है यूँ है 

नासेहा तुझ को ख़बर क्या कि मोहब्बत क्या है 

रोज़ आ जाता है समझाता है यूँ है यूँ है 

शाइ'री ताज़ा ज़मानों की है मे'मार 'फ़राज़' 

ये भी इक सिलसिला-ए-कुन-फ़यकूँ है यूँ है