ایک گماں کا حال ہے اور فقط گماں میں ہے 

کس نے عذاب جاں سہا کون عذاب جاں میں ہے 

لمحہ بہ لمحہ دم بہ دم آن بہ آن رم بہ رم 

میں بھی گزشتگاں میں ہوں تو بھی گزشتگاں میں ہے 

آدم و ذات کبریا کرب میں ہیں جدا جدا 

کیا کہوں ان کا ماجرا جو بھی ہے امتحاں میں ہے 

شاخ سے اڑ گیا پرند ہے دل شام درد مند 

صحن میں ہے ملال سا حزن سا آسماں میں ہے 

خود میں بھی بے اماں ہوں میں تجھ میں بھی بے اماں ہوں میں 

کون سہے گا اس کا غم وہ جو مری اماں میں ہے 

کیسا حساب کیا حساب حالت حال ہے عذاب 

زخم نفس نفس میں ہے زہر زماں زماں میں ہے 

اس کا فراق بھی زیاں اس کا وصال بھی زیاں 

ایک عجیب کشمکش حلقۂ بے دلاں میں ہے 

بود و نبود کا حساب میں نہیں جانتا مگر 

سارے وجود کی نہیں میرے عدم کی ہاں میں ہے 

एक गुमाँ का हाल है और फ़क़त गुमाँ में है 

किस ने अज़ाब-ए-जाँ सहा कौन अज़ाब-ए-जाँ में है 

लम्हा-ब-लम्हा दम-ब-दम आन-ब-आन रम-ब-रम 

मैं भी गुज़िश्तगाँ में हूँ तू भी गुज़िश्तगाँ में है 

आदम-ओ-ज़ात-ए-किब्रिया कर्ब में हैं जुदा जुदा 

क्या कहूँ उन का माजरा जो भी है इम्तिहाँ में है 

शाख़ से उड़ गया परिंद है दिल-ए-शाम-ए-दर्द-मंद 

सहन में है मलाल सा हुज़्न सा आसमाँ में है 

ख़ुद में भी बे-अमाँ हूँ मैं तुझ में भी बे-अमाँ हूँ मैं 

कौन सहेगा उस का ग़म वो जो मिरी अमाँ में है 

कैसा हिसाब क्या हिसाब हालत-ए-हाल है अज़ाब 

ज़ख़्म नफ़स नफ़स में है ज़हर ज़माँ ज़माँ में है 

उस का फ़िराक़ भी ज़ियाँ उस का विसाल भी ज़ियाँ 

एक अजीब कश्मकश हल्क़ा-ए-बे-दिलाँ में है 

बूद-ओ-नबूद का हिसाब मैं नहीं जानता मगर 

सारे वजूद की नहीं मेरे अदम की हाँ में है