wahshat-e-dil sila-e-abla-pai le le

wahshat-e-dil sila-e-abla-pai le le 

mujh se ya-rab mere lafzon ki kamai le le 


aql har bar dikhati thi jale hath apne 

dil ne har bar kaha aag parai le le 


main to us subh-e-daraKHshan ko tawangar jaanun 

jo mere shahr se kashkol-e-gadai le le 


tu ghani hai magar itni hain sharait teri 

wo mohabbat jo hamein ras na aai le le 


aisa nadan KHaridar bhi koi hoga 

jo tere gham ke ewaz sari KHudai le le 


apne diwan ko galiyon mein liye phirta hun 

hai koi jo hunar-e-zaKHm-numai le le 


meri KHatir na sahi apni ana ki KHatir 

apne bandon se to pindar-e-KHudai le le 


aur kya nazr karun ai gham-e-dildar-e-faraaz 

zindagi jo gham-e-duniya se bachai le le 

وحشت دل صلۂ آبلہ پائی لے لے 

مجھ سے یارب مرے لفظوں کی کمائی لے لے 


عقل ہر بار دکھاتی تھی جلے ہاتھ اپنے 

دل نے ہر بار کہا آگ پرائی لے لے 


میں تو اس صبح درخشاں کو تونگر جانوں 

جو مرے شہر سے کشکول گدائی لے لے 


تو غنی ہے مگر اتنی ہیں شرائط تیری 

وہ محبت جو ہمیں راس نہ آئی لے لے 


ایسا نادان خریدار بھی کوئی ہوگا 

جو ترے غم کے عوض ساری خدائی لے لے 


اپنے دیوان کو گلیوں میں لیے پھرتا ہوں 

ہے کوئی جو ہنر زخم نمائی لے لے 


میری خاطر نہ سہی اپنی انا کی خاطر 

اپنے بندوں سے تو پندار خدائی لے لے 


اور کیا نذر کروں اے غم دل دار فرازؔ 

زندگی جو غم دنیا سے بچائی لے لے 

वहशत-ए-दिल सिला-ए-आबला-पाई ले ले 

मुझ से या-रब मिरे लफ़्ज़ों की कमाई ले ले 


अक़्ल हर बार दिखाती थी जले हाथ अपने 

दिल ने हर बार कहा आग पराई ले ले 


मैं तो उस सुब्ह-ए-दरख़्शाँ को तवंगर जानूँ 

जो मिरे शहर से कश्कोल-ए-गदाई ले ले 


तू ग़नी है मगर इतनी हैं शराइत तेरी 

वो मोहब्बत जो हमें रास न आई ले ले 


ऐसा नादान ख़रीदार भी कोई होगा 

जो तिरे ग़म के एवज़ सारी ख़ुदाई ले ले 


अपने दीवान को गलियों में लिए फिरता हूँ 

है कोई जो हुनर-ए-ज़ख़्म-नुमाई ले ले 


मेरी ख़ातिर न सही अपनी अना की ख़ातिर 

अपने बंदों से तो पिंदार-ए-ख़ुदाई ले ले 


और क्या नज़्र करूँ ऐ ग़म-ए-दिलदार-ए-फ़राज़ 

ज़िंदगी जो ग़म-ए-दुनिया से बचाई ले ले 


SOURCE :

Book : kulliyat-e-ahmad faraaz (Pg. 259)

Edition : 2010

Publication : Fareed book depot(pvt)ltd (2010)

Advertizement


Coments